Urkunde 1289 Mai 19

Erzbischof Siegfried von Köln söhnt sich am 19. Mai 1289 nach der Schlacht von Worringen mit den Grafen Eberhard von der Mark und Otto von Waldeck aus.

Wortlaut

Die Urkunde ist in lateinischer Sprache verfasst und wird hier nach WUB Band 7 (S: 995-996) zitiert:

Nos Sifridus Dei gratia sancte Coloniensis ecclesie archiepiscopus, per Ytaliam archicancellarius notum facimus universis has presentes litteras inspecturis, quod inter nos ex una parte et nobiles viros Everardum de Marca et Ottonem de Waldecge, comites ex altera est amicabiliter concordatum et ordinatum in hunc modum, ita videlicet quod omnibus dissensionibus, rancoribus et inimicitiis inter nos ex una parte et dictos.. comites et ipsorum adiutores quoscunque ex altera, tam de occisis in conflictu apud Wurrinc et alibi ubicunque captivis, exactionatis, dampnis, incendiis et rapinis quam etiam de destructionibus castrorum, opidorum et villarum et maxime instrumentis et conventionibus et fideiussoribus super dictis conventionibus ab eodem. . comite de Marka constitutis super castro Raffenberg et specialiter occasione captivitatis nostre exortis et habitis et quicquid ex eis secutum est per nos pro nobis et nostris adiutoribus, consanguineis, amicis, vasallis et ministerialibus quorum posse habemus et vice versa per dictos comites pro ipsis ac eorum adiutoribus, consanguineis, amicis, vasallis et ministerialibus quorum posse habent est renunciatum pure, simpliciter et spontanea voluntate, nec de cetero nos vel successores nostri seu ecclesia Coloniensis nec nostri adiutores, consanguinei, amici, vasalli et ministeriales quorum posse habemus nec ipsi comites nec eorum adiutores, consanguinei, amici, vasalli et ministeriales quorum posse habent aliquam impetitionem vel vindictam faciemus seu facient super premissis nec contra premissa vel aliquod premissorum veniemus nec ipsi venient omni dolo et fraude penitus exclusis. Per huiusmodi autem amicabilis compositionis ordinationem nos et ecclesia Coloniensis et nostri adiutores ad bona et hereditates nostras redibimus et revertemur et ipsi comites et ipsorum adiutores ad bona et hereditates suas redibunt et revertentur, salvis tamen nobis et ecclesie Coloniensi et dicto Everardo comiti de Marka iuribus super advocatia et iudicio Assindense. Promittimus insuper, quod nos dictum comitem de Marka et suos heredes omni iure suo et gratia et bonis consuetudinibus, districtibus et dominio suo, sicut hactenus gavisus est et ad hanc horam possedit et adhuc possidet, permittemus gaudere pacifice et quiete, nec aliquod castrum vel munitionem edificabimus seu edificari faciemus in terra et dominio comitis de Marka memorati, nec vice versa idem comes de Marka castrum vel munitionem edificabit vel faciet edificari in terra et dominio nostro et ecclesie Coloniensis. Actum est etiam inter nos et comitem de Marka predictum, quod Theodericus de Volmestene miles inclusus est cum comite de Marca compositioni antedicte. Et nos archiepiscopus omnia et singula vera esse premissa profitentes, ad observationem dicte compositionis et amicabilis ordinationis pro nobis et nostris adiutoribus quibuscunque de quibus posse habemus, super hiis tactis sacrosanctis corporaliter iuramento a nobis prestito, nos firmiter obligamus per presentes, sigilla nostrum et ecclesie Coloniensis ex certa nostra scientia et ad petitionem nostram presentibus in testimonium sunt appensa. Et nos.. decanus et capitulum ecclesie Coloniensis ad petitionem dicti domini nostri Sifridi archiepiscopi sigillum nostrum profitemur presentibus in testimonium appendisse. Et nos Everardus de Marka et Otto de Waldecge comites predicti omnia et singula premissa vera esse profitentes et urvedam ac renunciationes, prout superius est expressum, facientes, ad observationem dicte compositionis amicabilis et omnium premissorum, prout unumquemque nostrum seu aliquem ex nobis contigit, pro nobis, nostris adiutoribus, consanguineis, amicis, vasallis et ministerialibus de quibus posse habemus, promittentes etiam, quod contra, premissa vel aliquod premissorum non veniemus in toto vel in parte, nec de cetero nos et heredes nostri et adiutores nostri, consanguinei, amici, vasalli et ministeriales quorum posse habemus aliquam impetitionem vel vindictam faciemus vel facient de premissis, omni dolo et fraude penitus exclusis; super hiis tactis sacrosanctis a nobis corporaliter interpositis iuramentis nos obligamus in hiis scriptis, sigilla nostra presentibus in testimonium apponentes. Datum anno Domini millesimo ducentesimo octoagesimo nono, in die Ascensionis Domini.

Übersetzung

[in Arbeit]

Bemerkungen

Die Schlacht von Worringen, in der die Stadt Köln zusammen mit den Grafen von der Mark und anderen weltlichen Landesherren gegen das Heer des Kölner Erzbischofs antrat, wurde zum Wende- und Endpunkt in der Expansionspolitik der kirchlichen Territorien in Westfalen.

Literatur

• R. Krumbholtz: Urkundenbuch der Familien von Volmerstein und von der Recke bis zum Jahre 1437. Münster 1917. Seite 77
• Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901