Urkunde 1343 Mai 1

Graf Adolf von der Mark schließt am 1. Mai 1343 mit der Stadt Dortmund ein Schutz- und Trutzbündnis über zwei Jahre.

Wortlaut

Die Urkunde ist in lateinischer Sprache verfasst und hat folgenden Wortlaut:

Nos Adolphus comes de Marka tenore presentium publice protestamur, quod ob favorem et amicitiam specialem bona fide promittentes obligavimus nos et nostros heredes consulibus et civibus Tremoniensibus a data presentium per duos annos proxime subsequentes ad auxiliandum et iuvandum eosdem fideliter nostris dampnis, eventibus et expensis contra omnes et singulos nunc et interim eorum innimicos, exceptis tamen in hac amicitia speciali inter nos utrosque placitata ex parte nostri sancte Romano imperio, reverendis patribus dominis Walramo archiepiscopo Coloniensi et Ludowico episcopo Monasteriensi ac nobilibus principibus dominis Willemo marchione Juliacensi, Adolpho comite de Monte, Theoderico Clevensi, Gotfrido de Arnsberg, Nicolao de Thekeneborch comitibus domino Lippensi ac domino Conrado de Marka, exceptis et ex parte dictorum consulum sacro Romano imperio, Walramo archiepiscopo Coloniensi predictis ac civitatibus Monasteriensi, Osnaburgensi et Susatiensi hac conditione adiecta, quod dicti cives facient unicuique et accipient a unoquoque super impetendis quibuslibet, quod fuerit amicitie sive iuris, nam illius, qui dictis consulibus seu civibus ius accipere contempserit et ipsis ius facere renuerit, esse volumus et debebimus una cum officiatis nostris singulis inimicus fideliter ac hostilis in momento, ita tamen quod tali aut talibus iniurianti seu iniuriantibus, se ipse vel ipsi nobis in amicitia coniuncti fuerint speciali, nostram inimicitiam predicere possimus et debebimus ad octo dies. Preterea quicunque hominum in terra nostra atque dominio causam aliquam habuerit adversus aliquem civium predictorum, ille non debet bona vel personas aliorum civium impedire vel arrestare, sed solum bona vel personas illius, contra quem habet actionem, et ab illo debet actor accipere ius impetractim. Volumus etiam et presentibus ratificantes approbamus, quod prefati cives in terra nostra atque per terram nostram et dominium exeundo et redeundo in nostra securitate accedere cum rebus suis atque familiis et esse possint libere et secure absque ullo impedimento, ita tamen, quod qui excederit iure et gratia emendaret. Insuper volumus, quod quando et quotienscunque prefati cives seu eorum adiutores innimicos suos prosecuti fuerint, extunc et totiens ipsi cives et eorum coadiutores per terminos et districtus nostros secure transibunt, ita etiam quod officiati et subditi nostri cum tota terra nostra super eo a civibus vel eorum adiutoribus requisiti bona et personas dictorum civium et eorum coadiutorum eos iuvantes fideliter defendant corporibus et suarum pulsibus companarum. Preterea si quis vel si qui dictorum civium captivatus vel captivati vel bona eorum ipsis ablata fuerint, extunc officiati et nostri subditi cum tota terra hec defensare debebunt toto posse. Insuper nullus subditorum nostrorum dictorum civium innimicos presumat hospitare, ceterum promittentes nos obligavimus, ut quotiens dicti cives expeditionem, vulgariter dictam en reyse, facere voluerint, extunc quicunque nostrorum officiatorum requisitus fuerit cum propria persona et tot armatis, quot habere potuerit, vel cum tota terra insecutionem cum dictis civibus supra eorum innimicos est facturus. Et ut singula premissa firmius conserventur, volumus ut officiati nostri universi Tremoniam venientes eisdem consulibus atque civibus omnia supradicta bona fide promittere debent toto posse et servare, et ad hec omnia et singula tenenda et firmius observanda strenuos famulos Gerhardum de Wittene et Rudgherum de Dorneborch, officiatos nostros, statuimus pro parte nostra, qui duo cum duobus proconsulibus Tremonie pro tempore existentibus de omnibus et singulis causis pupradictis in civitate Tremonie rectificandis iure vel amicitia terminandi et complanandi plenariam habebunt postestatem, dolo et fraude penitus exclusis in premissis. In quorum testimonium omnium et robur presentes litteras nostro sigillum communiri, actum et datuzm Tremonie anno nativitatis domini 1343 ipso die Philippi et Jacobi apostolorum.

Siehe auch

• Portal:Urkunden