Urkunde 1304 Mai 12

Der Junggraf Engelbert von der Mark, Bernard Wulf von Lüdinghausen und Johannes Burggraf zu Rechede vermitteln am 12. Mai 1304 zwischen den Gebrüdern von Pikenbruk und der Stadt Dortmund einen Frieden.

Wortlaut

Die Urkunde ist in lateinischer Sprache verfasst und hat folgenden Wortlaut:

Nos Engelbertus, comes iunior de Marca, dominus de Areborg, Bernardus, dictus Wulf de Ludinchusen, et Johannes, borchgravius de Rechede, milites, universis presentes literas visuris et audituris notum facimus et publice declaramus, quod cum inter consules et universitatem oppidianorum Tremoniensium ex parte una Hinricum et Hermannum fratres de Pikenbruk et matrem ipsorum ex altera super quibusdam bonis Arnoldi dicti Butengraven clerici Tremoniensis questio et discordia verteretur, dicta dicordia nobis mediantibus amicabiliter composita est et sopita, eo modo videlicet, quod iidem fratres et mater pro se et ipsis adherentes ac eorum adiutores consules et cives Tremonienses et eorum adiutores in huiusmodi discordia ex utraque parte fecerunt renunciationem et abdicationem simpliciter et de plano de omnibus, que inter eos per incendia, rapinas et aliis quibuscunque modis acciderunt, tali condicione, quod dicti fratres et mater renunciare deberent et renunciaverunt omni iuri et actioni, si que erant, que ipsis in dictis bonis dicti Arnoldi competebant, promittentes firmiter coram nobis et se obligantes, quod nullam prosecutionem vel impetitionem in dicits boni de cetero facient, sed ea ad hec omnis lis et discordia inter eos hinc inde habite perpetuo conquiescent. In quorum testimonium et perpetuam firmatatem sigilla nostra de consensu ambarum partium predictarum presentibus sunt appensa. Actum et datum anno domini 1304 feria 3 post ascensionem eiusdem, presentibus dominis Conrado comite Tremoniensi, Th. de Wickede, Bernardo Crampe, Bernardo dicto Dapifero iuniore, Hermanno dicto Vridagh de Rechede, Wulfardo de Walgarden, Alberto de Vresendorpe, Rutgero de Galen, militibus, item Everhardo dicto Umberadene, H. Vridagh de Lambesdorpe et aliis fidedignis.

Siehe auch

• Portal:Urkunden