 Das HammWiki wünscht allen Nutzern ein frohes Weihnachstfest und ein erfolgreiches und vor allem gesundes Jahr 2025
|
Urkunde 1269 April 25
Am 25. April verkaufte Heinrich, Ritter von Ahlen, genannt Schröder, dem Kloster Welver 2 Häuser in Schmehausen mit Fischerei Mere, ein Haus in Lippborg und einen Kotten in Polmer mit allem Zubehör.
Wortlaut
Die Urkunde ist in lateinischer Sprache verfasst. Ihr Wortlaut wird nach dem WUB Band 7 zitiert: [1]
Nos Hinricus miles de Alen dictus Scredere universis Christi fidelibus, ad quos presens scriptum pervenerit, in Domino eternam salutem. Tenore presentium protestamur et notum esse cupimus tam posteris quam modernis, quod cum pleno consensu et bona voluntate Elyzabeth uxoris nostre, Hermanni primogeniti, Gerhardi, Luberti et aliorum puerorum et filiarum nostrarum necnon heredum nostrorum vendidimus ecclesie et conventui in Welvere ordinia Cysterciensis pro L. marcis Mona- steriensis monete et pro LXXa marcis Hammonensis monete duas domos sitas in Smidehusen cum piscatura, que dicitur mere et cum omnibua attinentiis suis, item unam domum in Libborch cum casa in Polhem cum pratis, pascuis, aquis, rubetis, piscatura que dicitur Were cum omnibus attinentiis suis et cum omnibus hominibus videlicet Walthero in Smidehusen, uxore eius et pueris eius et cum Walberto in Libborch, uxore eius et pueris eius tam genitis quam generandis libere et absolute per recompensationem aliorum bonorum, sicut in privilegiis fratrum de Lippia et comitis de Lymburch continetur, omnibus heredibus nostris videlicet uxore nostra et pueris nostris predictis in iudicio nostro quod dicitur vridinch in villa Osterwic iuxta Alen presentibus ei consentientibus in id ipsum recedentes ab omni iure, quod habuimus in eisdem. Preterea Hinricus de Smidehusen liber noster pro recompensatione domus libere in Smidehusen, quam a nobis tenuit, bona voluntate domum in Dalewit recepit, quam domum in Smidehusen prefatus H(inricus) nobis in iudicio nostro et in villa predicta scilicet Osterwit reddidit resignando uxore eius, pueris et heredibus suis consentientibus. Quam domum cum bonis predictis ecclesie dicte libere assignavimus tamquam sua propria allodia pleno iure in perpetuum possidenda. Ne quis igitur in posterum heredum et amicorum nostrorum hanc venditionem et collationem nostram aliquo malignandi studio in irritum revocare valeat vel conetur, presentem paginam super hiis confectam sigilli nostri et sigillorum domini Engelberti comitis de Marca et domini Godefridi thesaurarii et viceprepositi ecclesie Sosaciensis inpressione fecimus et petivimus roborari et in iudicio nostro quod dicitur vridinch in villa que dicitur Osterwit Heymone de Hamwit ex parte nostra iudicio presidente sub regali banno perpetuo stabiliri auctoritate regia inhibentes, ne quis de cetero dictam ecclesiam in Welvere in prelibatis bonis aliquatenus molestare vel impedire valeat vel contendat. Acta sunt hec in Osterwit in iudicio nostro quod dicitur vridinch anno Domini M°.CC°.LX°.IX°, feria V. ante Walburgis. Presentes: nos H(inricus) Scredere, Ely(zabeth) uxor nostra, H(ermannus) primogenitus noster et omnes filii et filie nostre, Heymo de Hamwit vrigreve, Reneke de Vrilewit, Johannes de Rinchove, Johannes Bruninc, Ludolfus de Rameshule, Johannes preco de Getene liberi et scabini nostri, Arthus de Sveve, Thidericus dapifer de Alen, Albertus prepositus in Welvere, frater Hinricus Magnus, Albero de Tunne.
Literatur
- Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901
Standort
Landesarchiv NRW, Abteilung Westfalen, Münster [2]
Weblink in der Digitalen Westfälischen Urkundendatenbank
http://www.westfaelische-geschichte.de/que68928