Urkunde 1265 Juni 11

Aus HammWiki
Zur Navigation springen Zur Suche springen

Papst Clemens IV. verwirft am 11. Juni 1265 die Postulation des Grafen Engelbert von der Mark zum Bischof von Osnabrück. Die Urkunde wurde in Perugia ausgestellt.

Wortlaut

Die Urkunde ist in lateinischer Sprache verfasst und wird nach Philippi/Bär zitiert: [1]

.. decano et capitulo Osnaburgensibus.
Ecclesia vestra pastoris solatio destituta vos ad tractandum de futuri substitutione pntificis, prout moris est, convenientes in unum dilectum filium Engelbertum comitem de Marcha, nunc clericum sed tunc temporis laicum, in ipsius ecclesie episcopum concorditer ac unanimiter postulatis et dilectis filiis magistris Bertramo et Gerlaco concanonicis vestris ad sedem apostolicam propter hoc specialiter destinatis primo per eos felicis recordationis Urbano pape predecessori nostro et demum nobis in ejus locum licet immeritis substitutis, ut postulationem eandem tamquam de persona Deo grata, accepta clero et populo Osnaburgensibus et ipsi ecclesie admodum profutura, ab ipsis taliter celebratum dignaremur admittere, fuit ex parte vestra humiliter supplicatum.Et quidem morum honestas, integritas fidei et devotionis constantia, quibus insigniri proponitur idem comes, necnon singularis ejus industria ut ejus, per quam a suis liberari possit oppressionibus ipsa ecclesia, potentiam taceamus, multum interpellabant pro eo, immo nos cogebant quodammodo condescendere votis vestris. Nam etsi sit insolitum assumi laicos ad fastigium pastorale, interdum tamen ex causa legitur esse factum, sicut de beatis Severo et Ambrosio, quorum vita sic fuit eorum suffragantibus meritis gloriosa, quod exempla cunctis beatitudinis post se relinqunetes in terris hiis, qui presunt gregi dominico, formam vivendi specialiter tribuunt et exemplar. Rursus non electus a vobis improvide fuerat idem comes, quod quidem sacri canones improbabant, immo humiliter, quod non invenitur a jure prohibitum, postulatur. Ex hiis namque petito vestra multum sibi vendicabat favoris, ut jam digne non videretur posse repelli a gratia, que tot fulciebatur suffragiis et patrociniis juvabatur. Sed cum a summo patrefamilias nobis ispensatio ministeriorum sit credita domus Dei et propter hoc, ne circa ministrorum ordinationem ipsius quid inordinate vel prepostere aut etiam indecenter agatur in ea, sollicitis oporteat nos excubiis vigilare, quomodo tolerare seu dissimulare poterimus illum episcopum fieri, qui in nullo gradu prius obsecutus fuerat sacerdoti, quodque ei gubernacula committantur ecclesie, qui ipsius instituta non didicit nec aliquo tempore se exercuit circa ipsa. Presertim cum legitime sanctiones illum notent de ambitu, qui sine suffragio temporis, sine laboris merito ad honores seculi non est veritus aspirare. Nec quod de sanctis ipsis premisimus ad obtinendam dignitatem hujusmodi ei suffragari poterat in hac parte, tum ex eo, quod privilegia paucorum legem communem non faciunt, tum ex eo etiam, quod sub lege non sunt juxta verbm apostoli, qui spiritu Dei aguntur et eorum ordinationem seu provisionem non est dubium inspiratione factam fuisse divina, sicut ex evidentibus signis et indiciis colligitur magnifestis. Ceterum et si postulation hujusmodi non prohibeatur a canone fieri, quia tamen admitti eam consuetudini Romane ecclesie dinoscitur adversari, nos ipsi consuetudini, prout convenit, inherentes eandem postulationem non in odium postulantium seu postulate persone, que multis attolitur meritis probitatis, sed propter honestatem ecclesie de fratrum nostrorum consilio non duximus admittendam. Ne vero ecclesia vestra deploret diutius viduitatis incommoda et in spiritualibus et temporalibus gravia ex defectu pastoris sustineat detrimenta, licet eidem ecclesie providere possemus, volentes tamen vobis in hoc gratiam facere specialem universitati vestre mandamus, quatinus ipsi ecclesie vestre de alia quam comitis ipsius persona, dum tamen ydonea, curetis de consilio et assensu dilectorum filiorum .. abbatis monasterii in Latha Cisterciensis ordinis Mindensis diocesis, .. prioris fratrum Predicatorum Mindensium et .. guardiani fratrum Minorum Osnaburgensium per electionem canonicam seu postulationem concordem sublato more dispendio Deum habentes pre oculis provideri. Nos enim decernimus irritum et inane, quidquid contra mandati nostri tenorem super hoc contigerit attemptari. Datum Perusii, III Idus Junii, anno primo.

Literatur

  • Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901

Anmerkungen

  1. vgl. Philippi/Bär: Osnabrücker Urkundenbuch. Band III. Die Urkunden der Jahre 1251-1280. Osnabrück 1899. S. 225-226

Siehe auch