Urkunde 1290 April
In einer mit "Diploma fundationis" überschriebenen Urkunde vom April 1290 überträgt Graf Eberhard von der Mark Grund und Boden in Kentrop an das Kloster in Hamm, um den Konvent dorthin zu verlagern.
Wortlaut
Die Urkunde ist in lateinischer Sprache verfasst und wird nach WUB Band 7 (S: 1017-1018) zitiert: [1]
Universis Christi fidelibus Everhardus comes de Marka salutem et horum semper cognoscere veritatem. Ex approbate discretionis procedit consilio, ut acta temporum presentium digna memoria sic conscriptione litterarum reservemus integra, ne cooperta oblivionis umbraculo excedant scientiam futurorum. Harum igitur litterarum protestatione publica omnibus tam presentis vite quam future innotescere volumus, quod cum pie recordationis comes Engelbertus pater noster dilectus ob venerandam sui creatoris reverentiam eternamque anime sue ac suorum progenitorum salutem necnon propter specialem ordinis Cisterciensis dilectionem nostro nichilominus pleno consensu accedente novellam sanctimonialium eiusdem ordinis plantationem infra muros oppidi sui Hammensis magna cum caritatis diligentia locare cepisset, nos dictam plantationem propter multiplicia incendiorum pericula predicto oppido contingentia ac alia multa incommoda ibidem in processu proficuo non posse germinare videntes consideravimus hunc locum suo incremento minime convenire, memoratarum autem sanctimonialium plantationem tanti favoris affectu et summe desiderationis inpulsu a patre nostro et nobis laudabiliter inceptam extingui et periclitari nullatenus pacientes, sanoque litteratorum et discretorum usi consilio necnon reverendi patris et domini nostri Coloniensis archiepiscopi venerabilisque viri domini abbatis Veteris Montis dicti loci visitatoris licentia, voluntate et consensu adhibitis locum alium extra muros oppidi predicti dictis monialibus duximus assignandum eisdem de unanimi voluntate, scitu et beneplacito Engelberti, Adolphi filiorum et aliorum heredum nostrorum fundum curie nostre Keynctorp inter castrum nostrum Marka et oppidum predictum site una cum capella et structuris convenientibus ibidem edificatis legitimo permutationis titulo conferentes fundumque prioris loci capellam et structuras ibidem constructas de consensu dictarum monialium resumentes. Contulimus etiam predictis monialibus curiam nostram predictam cum pratis, pascuis, cespitibus, agris cultis et incultis, rubetis et frondibus, aquis, piscaturis necnon cum universis attinentiis et eiusdem curie proprietatem libere et perpetuo possidendam, ut ex huiusmodi proventibus sue consulant indigentie salutiferoque anime nostre progenitorum nostrorum et heredum remedio iugiter sint intente. Spondemus insuper, quod omnem controversie et impetitionis materiam occasione dicte curie et suarum attinentiarum eisdem monialibus motam seu movendam in posterum totaliter sopiemus et eisdem faciemus plenariam warandiam. Ne vero tam rite permutationis alternatio libereque collationis beneficium calumniandi versutia ab aliquibus in posterum infringi valeat, presentis pagine conscriptum sigillis reverendi patris domini nostri Coloniensis archiepiscopi ac domini abbatis predictorum et nostri in evidentiam testimonii firmiorem rogavimus et fecimus communiri. Actum presentibus domino Henrico abbate predicto, Henrico camerario, Sifrido de Confluentia et Jacobo notario sacerdotibus et monachis Veteris Montis, Dithardo sacerdote et capellano dictarum monialium; Everhardo de Mengede, Anthonio de Schedinge, Engelberto de Herborne militibus nostris et aliis quam pluribus fidedignis. Nos vero Sifridus Dei gratia sancte Coloniensis ecclesie archiepiscopus huiusmodi donationi, permutationi et translationi auctoritatem et consensum adhibentes ipsis abbatisse et conventui indulgemus, ut de dicto loco in quo hucusque habitabant ad locum, curiam et fundum Keynctorp predictum se transferant et oratorium cum officinis oportunis ibidem construant et edificent et inibi Domino sub religione ordinis debita famulentur, salvis ipsis universis privilegiis et indulgentiis et gratiis a quibuscunque quacunque auctoritate eisdem concessis et indultis, ut ipsis gaudeant in monasterio quod de novo construxerint in fundo predicto libere et pacifice, prout in ipsarum loco antiquo ante translationem huiusmodi faciebant. Nos etiam Henricus permissione divina abbas monasterii Veteris Montis predictus consensum premissis inpertientes sigilla nostra in robur et testimonium premissorum apponi fecimus huic scripto. Datum anno Domini millesimo CC. nonagesimo, mense Aprili.
Übersetzung
Der Urkundentext lautet übertragen ins Deutsche wie folgt:
[in Arbeit]
Datierung
Die lateinische Jahreszahl "mill.mo cc nonagesimo" der Urkunde ist zu 1290 aufzulösen. Die Angabe "mense aprili" meint den Monat April und ist ohne Tagesangabe.
Quelle
Kindlinger: Zisterzienserinnenkloster Kentrop bei Hamm (Abschriften von Urkunden aus dem Klosterarchiv), Nr. 68, pag. 37-38 [2]
Literatur
- Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901
Siehe auch
Anmerkungen
- ↑ Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901
- ↑ als Digitalisat einsehbar unter www.archive.nrw.de