Urkunde 1404

Wappen der Familie von Volmarstein

Elisabet, Witwe von Volmestein und ihre Kinder verkaufen im Jahr 1404 vor dem Hammer Richter Lambert up dem Have dem Münsterischen Domkapitel zwei Mark jährlicher Renten aus ihren Gütern zu Drensteinfurt.

Wortlaut

Die Urkunde ist in mittelniederdeutscher Sprache verfasst. Ihr Wortlaut wird nach Kindlinger zitiert:

Wy Lambert up dem Have, eyn ghezworen Richter der Stades van Hamme van deshoghebornen Heren, Hern Adolves Greven tor Marke, doet kundich allen Luden, de dessen Breyff zeet ofte horet lesen, und betughet openbar in dessen selven Breve, dat vor uns sint ghecomen thon Hamme in Gherichte, dar wy den Rychtestol bezeten in Antworde Kornoten guder Lude, de hyr na bescreven staet, Vrowe Elyzabeth van Lymborch, mannedaghes echte Vrowe zeligen Heren Dyderix van Volmesteyne Ritters, Johan van Volmesteyne er Zone und Agneze van Volmesteyne er Dochter, und bekanden und bethgeden openbare, dat ze myt guden Berade und endrechtigen Wyllen vor sich und ere rechten Ervent vercofft hedden und vorcoften rechtlike und redelyke erzamen Heren, Hern Lubberte van Rodenberghe Vysdome, Hern Hinrike van Hatnegghen, Cnoneken ton Dome to Munstere, Hern Kerstien den Bucke Cnoneke to den Aldendome to Munstere und Johanne Wessels, Hantgetruwen wannedaghes zelyghen Hern Johans van Volmesteyne, Doemkosters to Munstere, twe ewyghe Mark Geldes Pennynghe, alz to Munstere ghenge und geve syn, to hebbene und to bezittene und uptoborne alle Yar vor sich ofte Holdere dusses Breves myt eren Wyllen, und en wal to betalene ute den Guden hyr na bescreven, als ute dem Gude, dat Johan Overwater tor Tyt uppe syttet, dat Johansgut to Overwater ghenomet ys, ute dem Hove, de Hermanshove Overwater ghenomet ys, und ute Brunes Eyszinches Hove, beleghen in dem Kerspele van Stenvorde uppe dem Drene und in der Burscap van Stenvorde uppe dem Drene, und vry dorslachtich eghen, unbepachter, unbesweret van allen anderen Schulden, dan de ze den vorg. Vorkoperen schuldich syn, alle Yar to ewighen Daghen uppe sunte Michaeles Misse des hiliegen Erscengels, vor veirtich Marck derselven Pennynghe, de den vorg. Vorkoperen, alze ze bekanden, to eren Willen wal betalet sint in reden ghetelden Gelde; und laveden vort de vorg. Vorkopere myt zamenderhant und ytlich vor all, vor sich und ere Ervent den vorg. Heren und Holdere dusses Breves myt eren Willen der vorg. Rente twe Marck Geldes alle Yar uppe den vorg. Tyd, alz sunte Michaels Misse ute den vorg. Guden gude Betalinghe to done vormiddes sich offte we de telet und bovet sunder Vortrecken und Wedersprake, und der vorg. Rente rechte Warscap to done, wu men der to Rechte waren sal vor al de ghene, de des to Rechte comen wyllen; und weret dat ze dar yenigherhande Brake anhedden to yenigher Tyd, de Brake to vorvullene alle Weghe bynnen verten Nachten, wan ze darumme ghemanet werdet sunder Wedersprake, vorder Vertoch; alle Argelyst Nyevunde und alle Behelpinge gheystlikes eder wertlikes Rechtes, dar ze sich teghen desse vurg. Stucke mede behelpen mochten, uetghesprocken. To Tughe und to Vestnisse aller desser vorg. Stucke hebbe wy Lambert up dem Have, Richter vorgescreven, unze Inghezegel umme Bedde wyllen Parthye myt Inghezegelen Vrowen Elyzabeth und Johans vorg. an dessen Breff ghehangen. Und wy Elyzabeth, Johan und Agneze bekennt und betughet openbare vor uns und unse Ervent, dat alle dusse vorg. Stucke war syn und geschen syn. Und des to Tughe so hebbe wy Elyzabeth und Johan vorg. unse Inghezegele vor uns, und Agneze, und unse Ervent mede an dessen Bereff ghehanghen; welcke Zeghele ick Agneze bruke in dessen Stucken, want ich nyen eghen Inghezegel en hebbe. Hyr weren over und an, do dyt gescha. Hinrich Knyppinch Knape, Evert Vrydach gheheyten de Rutere, de rode Hinryck Borghere ton Hamm, und anderer guder Lude ghenoch. Datum anno Domini millesimo CCCmo quarto, ipso die beati Willebrandi Episcopi.

Bemerkungen

Die Datierung bezieht sich auf den Bischof Willebrand von Utrecht, der im 13. Jahrhundert gelebt hat. Er starb am 12. Juli 1233, so dass mit einigem Recht angenommen werden kann, dass die Urkunde am entsprechenden Kalendertag ausgestellt wurde.

Literatur

• Niklas Kindlinger: Geschichte der Familie und Herrschaft von Volmestein - ein Beytrag zur Geschichte des Bauern- und Lehnwesens, und der Staatsverfassung. Welcher die Urkunden enthält. Osnabrück 1801.

Siehe auch

• Portal:Urkunden