Urkunde 1346 März 4 a
Gobel von Hilbeck, Freigraf des Grafen von der Mark, bekundet am 4. März 1346, dass Gerlach von Sümmern dem Kloster Clarenberg bei Hörde vor dem Freistuhl am Hemelinghof vor Kamen den Zehnten bei Kamen und andere Grundstücke in und außerhalb der Stadt aufgelassen hat.
Wortlaut
Die Urkunde ist in mittelniederdeutscher Sprache verfasst. Ihr Wortlaut wird nach Merx zitiert: [1]
Ich Gobele van Hilbyke en vrygreve des greven van der Marke do kundich allen luden, de dyssen breif zeyn unde hort leessen, dat vor my es gecomen an den vrienstol op den Hymelynchof vor Camene Gerlagh van Sumeren unde vrowe Druda zin echtlike husvrowe, her Richart, Godevert, Dyderich zin sone und al zin rechten erven unde hebbet vorteyghen unde opgelaten myd guden willen der ebdissen unde dem gemeynen covente van Clarenberge den teynden by Camene myd al zir thobehorincke unde al dar land, dat zy tho Camene op den velde hadden, unde enen garden by der stat unde hus unde hof bynnen Camene, wu dat alynche genomede gud Didericke van Vrexsendorpe tho pande stont vor en summe geldes. Unde hebbet en dat gud vorcogt und opgedreegen vor vry eegen; hir gench ordel unde gerechte over, alze en recht es. Hir waren over tho tuge her Hinrich Vridagh en ridder, de disse vortygnusse myd my entfench van der ebdissen wegen unde des gemeynen coventes van Clarenbergh, Rotger van Glatbyke, de en drossete was tho Hurde in der tyt, unde Gerd zine sone, Godeke Sluch van Welinchoven, Diderich Vridagh, Conrad van Steene, Johan van Berstrate, Richart van Boynen, Diderich van Heesen, Johan van Velmede, Everd Pasholeken, Alf van Buren, Bruzeke van Bredenbiche unde Moreken en borgmester tho Camene in der tyt unde Henze de Grutere unde Henrich Bredensprinc en vryvrone in der tyt unde ander guder lude genuch. Dat disse vornomede vortignusse vast unde steede blyve, zo heb ich Gobele van Hiltbiche en vrygreve in der tyt tho betugnusse myn ingesegel an dissen breif gehanken um der beide partye beede willen, want disse dynch vor my gescheyn zin. Disse breif wort gegeven des eyrsten zatdersdages in der vasten, do men scref na der geburt onses heren dusent jar drehundert jar unde sessundeveirtich jar.
Literatur
- Otto Merx: Urkundenbuch des Clarissenklosters, späteren Damenstifts Clarenberg bei Hörde. Dortmund 1908
Anmerkungen
- ↑ Otto Merx: Urkundenbuch des Clarissenklosters, späteren Damenstifts Clarenberg bei Hörde. Dortmund 1908.