Urkunde 1253 Dezember 13
Am 13. Dezember 1253 verzichtet Hermann von Blumenstein auf seine Ansprüche an den Gütern, die der Onkel seiner Mutter, Herr Walther Vogt von Soest, zur Stiftung des Klosters Welver eingesetzt hat. Unter den Beteiligten findet sich auch Walter von Dolberg, der Burgmann auf Burg Mark war.
Wortlaut
Nach Seibertz (S. 347-349) lautet die Urkunde wie folgt:
In nomine sancte et indiuidue trinitatis. Ego Hermannus de blomenstein necdum adhuc miles. nec legitime uxoratus. Omnibus hanc litteram uidentibus eternam in domino salutem. Ad amputandam cuiuslibet dubietatis calumpniam statuit discretorum prudentia. ut gesta hominum ne nube obliuionis inuoluantur. scriptis. sigillis. et testibus roborentur. Nouerint igitur presentes et posteri quod ego controuersiam cum monasterio monialium in weluerburg ordinis Cysterciensis pro tempore habui super quibusdam bonis que a domino meo Walthero pie memorie aduocato Susatensi. Auunculo matris mee pro quadam summa pecunie titulo emptionis comparauerat et possedit. Sed ego quia huic emptioni non consenseram. nec juri meo quod in hiis bonis habere uidebar cesseram claustrum impetiui. presertim cum heres legitimus eorundem essem bonorum. nullo existente coherede. Quod cum fieret. viri honesti se interponentes efficaciter me commonebant quatinus pro reuerentia domini nostri iesu christi eiusque pie matris Marie. et religione earundem monialium, et pro salute tam anime mee quam domini mei Aduocati ab hac impetitione cessarem, quod et feci. Demum pro bono pacis et concordie ordinatum est. quod ego triginta et duas marcas legalium denariorum a claustro recepi. ita ut contractum emptionis ratum habens. iurique meo quod uidebar habere cedens. nullam umquam super hiis bonis eidem claustro mouerem questionem. sed potius circa eius intenderem promotionem. Quocirca prefata bona in weluereburg sita. et aream in qua claustrum sub honore sancte Marie virginis gloriose nato eius largiente est constructum. cum pertinentiis suis. Humbraeth cum agris cultis et incultis. predium in clothingen, cum decima et pertinentiis suis. domum in Scethingen cum pertinentiis suis. Proprietatem cuiusdam domus in Sveue, molandinumque ibidem situm cum pertinentiis suis. et cetera omnia ubicunque locorum sunt sita. In agris uidelicet cultis et incultis. siluis. pratis. pascuis aquis. aquaruinque decursibus. viis. inuiis. que idem conuentus in Weluereburg a domino meo aduocato titulo emptionis legitime comparauit, cum habitione rati domino nostro iesu christo eiusque pie matri Marie in Weluereburg patrone. sincere obtuli. ratum habens huius emptionis contractum, actioni et impeticioni totaliter cedendo. et quicquid iuris in eisdem bonis uidebar habere. Susatie in domo burgensium uoluntarie et sollempniter renuntiaui. eadem bona proprietario iure claustro iam dicto assignans libere et quiete perhenniter possidenda. presentibus et mediantibus affectuose nobilibus uiris et dominis Conrado burgrauio. Ionatha de ardey, Conrado de Godenberg. Walthero de duleberg. Heinrico Sculteto colon. marscalco, Godefrido de mescede. Heinrico de medrike militibus. Hildegero surdo, et Wichmanno de thunne. magistris consulum Susatensium. Radolfo fernere. et Godescalco fratre suo. Wichmanuo Suelyngo et consulibus ibidem uniuersis. Post hec in judicio liberorum quod uulgo frigedinch. dicitur omni juri meo quod in eisdem bonis uidebar habere publice cedens. et hec cessio uti moris est. et ut id fieri decebat. sententia seculari est confirmata. Ceterum promisi quod claustro predicto de eisdem bonis ubi necessitas exigeret warandiam prestare. et si aliquis ipsa bona nomine hereditarii juris impetere attemptaret quod fideliter me obponerem et talem injuriam pro posse meo fieri prohiberem. Ad huius uero rei euidentiam pleniorem ut hec mea cessio publice facta rata in euum permaneat et inconuulsa. et ne aliquis heredum meorum imposterum aut persona aliqua occasione quauis eam presumat irreuerenter immutare presentem paginam quia sigillum proprium non habeo petiui obnixe sigillis roborari nobilium dominorum predictorum Conradi uidelicet burcgrauii. Ionathe de ardey. Conradi de Godenberg. Waltheri de duleberg. Heinrici Sculteti colon. marscalci. Consulum Susatensium. Castellanorum et Burgensium in wlfhagen. Datum Susati. Acta sunt hec ibidem anno gratie M. CC. quinquagesimo tercio. Indictione XI. in die sancte Lucie virg. et mart. Huius rei testes sunt cum hiis quos superius inseruimus. Wigerus rector ecclesie in Weluereburg. Bertoldus sacerdos ibidem. Theodericus miles de Honroth. Heinricus conuersus et domina Acela abbatissa in weluereburg. et totus ibidem conuentus. et alii quam plures tam clerici quam Laici quam ordinis diuersi uiri religiosi.
Übersetzung
Übersetzt ins Deutsche lautet die Urkunde wie folgt:
Literatur
- Joh. Suibert Seibertz: Urkundenbuch zur Landes- und Rechtsgeschichte des Herzogthums Westfalen. Erster Band. 799-1300. Arnsberg 1839