Urkunde 1524 Mai 27

Siegel der Stadt Hamm

In einer Verordnung vom 27. Mai 1524 regeln Bürgermeister und Rat der Stadt Hamm die Aufnahme und Beobachtung von lepraverdächtigen Kranken in dem Siechenhaus, das die Stadt auf dem Daberg bei Hamm unterhält.

Ausfertigung

Das Original liegt im Landesarchiv in Münster.

Wortlaut

Das Dokument hat folgenden Wortlaut:

Wy burgermester ind raidt der stat Hamme doen kunt ind bekennen vermitz dussen openen breyve vor uns und unse nakomelinge, dat wy uith sunderlingz bewegen heben den armen leprosen up dem Daberge vor unser stat vergunt int vergunnen in crafft dusses breiffs, dat ind also off enych burger, burgerschen off ingesetten myt sodaner krankheit durch verhenknisse des almechtigen Godes woirde beladen, dat sey dey sullen beseyn ind uith mogen wisen, dar wy oire conscientie upt hogedste mede besweren, dat sey oick dat so maken, dat it recht sy, by verluyss oirer provende. Ind off sey so etliche besagen, dey oen van oiren vormunderen ader van unser gesworn statboden angebracht woirde ind der sukede kennynge so nicht by syck hedden, so sullen sey gheenen, dey so bewaent were, eyn iair vrist geven off oen tyt setten, dat sey syck dess woll beleren; ind darvan sullen deyselven leprosen heben vyff schillinge hemsches paymentz. Vartmer off sey wen woirden uith wisen, dey oen woirde van den vormunderen off vurgemelten boden vorgebracht, vromde off ander luide, dey unse burger, burgerschen noch ingesetten nicht eyn weren, dey sullen oen geven teyn schillinge vurgemelts paymentz, oick off sey eyn deel off all up den vurgenomten Daberge ind seykenhuyss verstorven, ind neyment eyn were, dey syck sodaner sukede verstonde, so soll men uith anderen seykengylden twee ader drey laten komen, dey syck dess verstaen, ind davan sullen dey oick heben teyn schillingen vormeden. Ind off wey were van anderen vromeden leprosen, dey hyr tegen dede off doen wolde, hey weer seyck off gesunt, dat wille wy na unser macht helpen straffen ind deyselven leprosen des Dabergz by oirer provende behalden. Weer oick sake, dat sey wen woirden uithwisen, dey des geyn befallen droge, deyselve mochte up syne kost sych to Collen voig an deygheene, dey dey besichtinge darvan heben sunder drogen ind aen all argelist. Des in oirkunde der warheit, so heb wy burgermester ind raidt vor uns ind unse nakomelinge unser stat segel des secretz an dussen breiff witlichen an dussen breiff doen hangen in den jaren unseres Heren na Christi geboirt duysent vyffhundert ind darna in dem veirindtwyntigesten iare, feria sexta post Urbani pape.

Siehe auch

• Portal:Urkunden