Urkunde 1376 Mai 23 c

Wappen der Grafen von der Mark

Graf Engelbert von der Mark und sein Bruder Diderich bekunden am 23. Mai 1376, dass der Rat von Dortmund für sie dem Johann von Wickede 366 Mark 6 Schillinge bezahlt hat, und gestatten dafür dem Rat, die sechzig Mark, die der Rat ihm jährlich zu zahlen schuldig ist, sowie die Rente, die ihm von den in Dortmund wohnenden Juden zukommt einzuhalten.

Wortlaut

Die Urkunde ist in mittelniederdeutscher Sprache verfasst und hat folgenden Wortlaut:

Allen luden sy kundich, dat wii Engelbrecht greve van der Marke und Dyderich syn broder und unse erven schuyldich synt unsen guden vrunden .. borgermeisteren und dem raide der stad van Dorpmunde dreyhundert marck sesse und sestich marck und sess schyllynge guder pennyncghe, as to Dorpmunde genge und geve synt, dey dey selven borgermeistere und raid hebbet vor uns und van unser wegene gheantwordet und wol betalt Johanne van Wickede, dey sone was Hildebrandes van Wickede, und dat selve vorg. summe gheldes den .. borgermeisteren und dem raide van Dorpmunde wol tho willen betalt werde, so welle wii dat dey .. selven borgermeistere und raid dey sestich marck, dey sey uns Engelbrechte, greve vorg. jarlikes dey wyle, dat wii levet, schuyldich synt to gevene, ynnehalden und hebben, und dair tho alle dey rente und ghuylde, dey uns van den joden, dey bynnen Dorpmunde wonen, jarlikes vallet und gebort, dey selven sestich marck rente und ghuylde opboren, entfayn, hebben und halden to er nut ayne wedersprake und hynder in mynnerynge der vorg. summe bitte so langhe, dat den .. borgermeisteren und dem rade van Dorpmunde vorg. syn dey vorg. dreyhundert marck sesse unde sestich marck und sess schyllinge to eren willen wol und to male gheantwordet und vullenkomelike betalt. Wert dat dey .. borgermeisteren und raid vorg. hedden in diessen vorg. stucken ef in er ynigen brake, dey sole wii und wellet ef unse erven ef nakomelynge sunder wedersprake ganslike beleggen und to eren willen vervullen. Alle diesse vorg. stucke love wii Engelbrecht, greve van der Marke, und Diderich syn broder vorg. vor uns, vor unse erven und nakomelynge und eyn ytlich unser vor al myt samenden handen uns sykert in guden truwen stede und vast tho haldene, doyn und vervullen und in aller wyse, as vorescryven steit, unbrekeliken bewaren, alle argeliste uytghescheiden in diessen dyngen. In orkunde und vestynge alle diesser vorg. stucke und puntte so hebbe wii Engelbrecht greve und Dyderich syn broder vorg. unse ingesighele vor uns, vor unse erven und nakomelynghe ayn diessen breyff doyn hangen. Datum anno domini MCCCLXX sexto crastino ascensionis domini.

Bemerkungen

Diese Urkunde steht in engem Verhältnis zur Urkunde 1376 Mai 26, in der die Stadt Hamm mit dem Grafen von der Mark die Verpfändung mit besiegelt.

Siehe auch

• Portal:Urkunden