Urkunde 1371 1372 a

Im Zusammenhang mit dem 1372 geschlossenen Landfrieden für Westfalen ist eine Verpflichtung des Bischofs Heinrich von Paderborn in der Zeit von 1371 bis 1372 enstanden.

Wortlaut

Die Urkunde ist in mittelniederdeutscher Sprache verfasst und hat folgenden Wortlaut:

Und wii Hinrich, van godes genaden .. byscop to .. Paderborne, bekennet oppenbare, dat wii myt guden willen und myt vulbort unses cappittels, unser .. borghman, unser deynstman und al unser underzaten uns . . hebbet vorbunden und vorbyndet mit deme .. erwerdighen in gode vader und . . heren . . hern .. Vredderiche ertzebiscope to .. Colne unde myt dem edelen manne hern ... Engelberte, greven to der Marke, und vortmer myt allen .. heren und .. stedden, dey hin noch in komen moghen, und hebt to den hilligen gesworen vor uns . . und vor al unse nakomelyncge dat recht, dat unser erwerdighe in gode. . vader und .. here .. Karl, keyser to .. Rome und konyngh to .. Beyhem, deme lande to Westphalen gegeven hevet, erfliken und eweliken truweliken to hodene und to warene na al unser macht sunder underscheitan argeliist und welt und ghebeydet ernstliken to eyner merren zykerheid unsen stedden . . Paderborne und .. Wartbergh, .. Brakele, .. Borgentryke und Neyhem und vortmer al unsen slotten, stedden, borchmannen und underzaten dey in deme stychte van Paderborne beseten synt, dat sey nummer meer biscope to .. to .. Paderborne, marscalke eder amptmanne hulden eder sweren efte yrhande horsam eder deynst doyn, sey ne hebben dat to dem yrsten to den hilghen gesworen dat selve recht, dat unse erwordige here dey . . keyser deme lande to Westphalen gegeven hevet, troweliken to hodene und to warene na al er macht sunder underscheyt an argeliist, alse vorgescr. is na haltnysse der breyve dey unse here dey .. keyser dem lande to Westphalen erfliken vor recht gegeven hevet.

Siehe auch

• Urkunde 1371 November 25 a
• Portal:Urkunden