Urkunde 1366 Oktober 16

Graf Engelbert von der Mark verspricht am 16. Oktober 1366, keinen Gegner Dortmunds unterstützen zu wollen, und anlässlich der Sühne, die er zwischen Dortmund und Schonwedder gestiftet hat, sorgen zu wollen, dass Overberg vor dem Rat zu Dortmund Recht nimmt.

Wortlaut

Die Urkunde ist in mittelniederdeutscher Sprache verfasst und hat folgenden Wortlaut:

Wii Engelbrecht greve van der Marke doit kundich allen luden ind bekennet in dessen openen breyve, dat wii um gunst ind vrentschap hebbet vor uns ind unse erven in guden truwen ghelovet ind lovet in dessen breyve der stad, dem raide ind den ghemeynen borgeren van Dorpmunde dey stucke ind puntte, dey hir na ghescriven stait, stede ind vast to haldene, dey wyle wii greve Engelbert vorg. levet. Int eirste wert, dat dey raid van Dorpmunde ef er borgere twiest hedden ef krygen hirnamals twiest mit ynigen luden, dey er borgere weren ef er borgere ghewesen hedden, der lude sule wii ind wellen uns nycht underwynnen, dan wii sülen ind wellen dem raide van Dorpmunde ind eren borgeren helpen truweliken tegen dey lude ind tegen al dey ghene, dey dey lude verdegedyngen, dat dey lude doin ind nemen binnen Dorpmunde as vyle, as to Dorpmunde recht is. Vart wantte wii dey van Dorpmunde vorg. ind Conrade Schoinweder verzoent hebbet, so sule wii ind wellen den van Dorpmunde sunderlik dar to helpen mit al dat wii kunnen ind mugen, tegen Diderike van Overbergh, dat Diderik vorg. antworde deme raide van Dorpmunde dey breyve, dey hey hevet sprekende van Conrade Schoinweder vorg. dey dem raide van Dorpmunde aendreppen, ind dat Diderike vorg. do ind neme binnen Dorpmunde as vyle, as dey raid van Dorpmunde segghen, dat recht sii, al arghelist uth ghescheden in dessen vorg. stucken. To eme tuge der warheit ind vestynege alle desser vorg. puntte ind stucke hebbe wii Engelbert greve van der Marke vorg. vor uns ind vor unse erven unse grote seghel don hanghen an dessen breyt. Datum anno domini 1366 feria 6 proxima ante festum beati Luce ewangeliste.

Siehe auch

• Portal:Urkunden