Urkunde 1351 Dezember 17

Aus HammWiki
Zur Navigation springen Zur Suche springen

Gotfried, Graf von Arnsberg, schließt am 17. Dezember 1351 mit der Stadt Dortmund, die von dem Grafen von der Mark befehdet wird, ein Schutz- und Trutzbündnis.

Wortlaut

Die Urkunde ist in lateinischer Sprache verfasst und hat folgenden Wortlaut: [1]

Nos Gotfridus, comes de Arnsberch, universis presentia visuris et audituris recognoscimus lucide profitentes, quod propter dolorosas iniurias et iniuriosas violentias consulibus necnon universitati civitas Tremoniensis irrogatas per comitem de Marca, suos officiatos, marscaleum ipsius ac ipsorum in hac parte complices exeuntes castra opida et munitiones ipsius comitis predicti et redeuntes in easdem veluti id nobis suis querelis graviter sunt conquesti, decrevimus cum amicis nostris bene deliberati, quod nos comes de Arnsberch predictus et nostri veri et legitimi heredes volumus prefatos Tremonienses ab iniuriis et violentiis consilio et auxilio defendere et tueri obligantes nos stabili pacto et firmo federe cum eisdem per presentes, quod volumus et debemus Tremoniensibus predictis dare et facere secundum extremum nostre potentie cum fidei puritate consilium auxilium et iuvamen contra comitem de Marke et suos subditos universos in suo dominio residentes et contra quoscumque ipsorum adversarios et inimicos pro presenti existentes et in futuro habituros sub nostris sumptibus et expensis ac eventibus quibuscumque. Insuper promittimus, quod nec paeem nec placita nec concordiam admittere observare vel inire debemus, quin huiuscemodi procedant et sint de ipsorum Tremoniensium concordi consensu et unanimi voluntate. Preterea promittimus et eligimus per presentes, quod si nos comes de Arnsberch prenotatus vel nostri amici in exitu a civitate Tremoniensi vel reditu in eandem in aliquo supergressum faceremus, quod est dictu yenighen overvanch deden, virtute cuius supergressionis consules vel universitas civitatis Tremoniensis monitiones infestationes vel alia quecumque gravamina paterentur, quod extunc moniti impertractini civitatem Tremoniensem intrabimus inde non reeessuri, nisi Tremonienses predicti sint per nos de huiuscemodi impetitionibus et inquietationibus exonerati totaliter et soluti. Si etiam contingeret, nos vel nostros amicos invadere nostros adversarios et inimicos et congredi cum eisdem et Tremonienses vel ipsorum complices huic invasioni et congressui interessent, si ibidem captivi captivarentur, hii captivi deberent inter nos mutuo exactionari equaliter et partiri. Et ut omnia et singula premissa stabilia et firma sint ac permaneant, nos Gotfridus comes de Arnsberch predictus et consanguineus noster Johannes comes de Aldenborch noster verus et legitimus heres promisimus et promittimus per presentes data fide firmiter assecurantes loco et viee iuramenti omnia et singula premissa stabiliter firmiter et indissolubiliter observare dolo et fraude exclusis penitus in premissis. In quorum omnium et singulorum robur et firmamen nos sepedictus Gotfridus eomes de Arnsberch recognoscimus ex nostra certa scientia maius nostrum sigillum presentibus esse appensum. Datum anno domini 1351 die sabbati proxima post festum beate Lucie virginis.

Siehe auch

Anmerkungen

  1. zitiert nach Karl Rübel: Dortmunder Urkundenbuch. Band I. Zweite Hälfte. Dortmund 1885, S. 477-478