Urkunde 1350 Juni 28

Graf Engelbert von der Mark und die Stadt Dortmund einigen sich am 28. Juni 1350 vor Conrad von der Mark zu Hörde über Teilung der habe der Juden in Dortmund, welche wie alle Juden in dem Verdacht stehen, die Christen vergiftet zu haben.

Wortlaut

Die Urkunde ist in mittelniederdeutscher Sprache verfasst und hat folgenden Wortlaut:

Een twist was tuschen incheren Engelbert den greven van der Marke op eyne side unde tuschen der stad van Dortmunde oppe dee anderen side alse van der iuden weghene, dee na meynen gherechte der kerstenheyt hebben verghiven, wilke iuden dee rad van Dortmunde hevet in erer behalde, dee twist is ghescheden unde ghesont tho Hurde vor hern Conrade van der Marke in desser wise, dat dee (rad) van Dortmunde dee selven iuden hebben unde behalden sal in eren heb.... dat see de kerstenheyt nicht en verghiven. Vartmer dat ..... unde dee have, dee erschinen is van den iuden dee en w(eren) an lyve efte an dode, dar dee rat van Dortmunde an komen mach mit bescheidenheyt unde mit rechte, is half des greven van der Marke unde half des rades van Dortmunde. Vartmer dee breyve unde dee vorwerde, dee en dee rad van Dortmunde hevet gheghiven, dee sal en dee rad halden er tiit ut, sunder kan dee rad van Dortmunde an welken iuden komen mit voghe unde mit rechte vor der tiit eder na der tiit, dat sal dee rad don, alte hee eyrst mach sunder arghe list, unde dee vrucht, dee dar af vellet, dee is half des selven greven van der Marke unde half des rades van Dortmunde. Vartmer breyve der riddere unde der knechte, dee dee selve greve verkoren unde versigelt hevet, dee sullen quitt sin unde mit den anderen breyven, dee dee iuden hebbet, sule wii beyde samentlike unde endrechtlike manen unde wat dar af vellet, dat is half unde half. Vartmer umme dat gud, dat dee iuden hebbet tho Kolne, dar mughe wii unde sulen samentlike unde endrechtlike ume manen unde wat dar af vellet, dat is half unde half. Vartmer loyvet unde sal dee selve greve van der Marke dee stat von Dortmunde tho verantwordene unde entheven ef see anghespreken werdet van dem rike efte van dem hischope van Kolne van der iuden weghene. Vartmer alle deisser vorscrivenen stucke unde dir puncte der ghet dee selve greve van der Marke in goden gheloven tho deme rade van Dortmunde, unde dee rad dee sal er beyder beste don in dessen stucken sunder allerleye argelist. Hir was over dee selve greve van der Marke; her Hinrik van Hardenberg, her Duvel, her Engelbert Sobbe, her Her. Penthelinc, riddere, van des greven weghene unde Lambert Beye, Godschalc Hederminchusen, Hil. Wiekede und Johan Berstrate van der stades weghe van Dortmunde. Dit gheschach oppe sunte Peters unde Pawels avende, do men talde na godes ghebort 1350 iar.

Siehe auch

• Portal:Urkunden