Urkunde 1342 Mai 13

Aus HammWiki
Zur Navigation springen Zur Suche springen

Johann von Velmede verkauft am 13. Mai 1342 dem Kloster Clarenberg bei Hörde eine jährliche Geldrente von dem Zehnterlös aus den Dörfern Lerche und Süd-Kamen.

Wortlaut

Die Urkunde ist in mittelniederdeutscher Sprache verfasst. Ihr Wortlaut wird nach Merx zitiert: [1]

Allen denghynen, de dessen bref seet ande horet lesen, si dat kundich, dat ich Johan van Velmde myd vulbort ande myd guden willen Elseben myner echten husvrowen, Godevredes, Gosswines, Baten ande Konegunde unser kyndere ande aller unser rechten erven hebbe verkoft ande opghelaten redeliken ande rechtliken myt guden willen der ebbedischen ande deme ghemeynen convente tho Clarenberghe by Hurde jarlikes rente drey mark gheldes ande teyn schillinge vanme teyntlosen ithe deme dorpe tho Lereke ande van Sutkamene erfliken ande eweliken vor eyn vry dorstlacht eghen tho besittene ande tho beholdene, tho ghevene ande tho betalene alle jar oppe den kerchof tho Kamene an unser vrowen avende also se gheboren wart de van Lerike twintich schillynge, ande an demeselven unser vrowen daghe tho missetyt de van Sutkamene sesandetwintich schillinge pennincge, also dann in des greven lande van der Marke ghencge and gheve sint, umme eyne summen gheldes, de my tho al mynen willen wol betalet is. Ande ich Johan van Velmede, Elsebe myn echte husvrowe ande alle unse vornomeden kyndere ande alle unse rechte erven verbyndet uns ande lovet der ebbedischen ande deme ghemeynen convente tho Clarenberghe desser gulde alleweghe tho warene also eghenes recht is. Hyr waren over tho thughe de edele here her Conrad van der Marke, her Wenemar van Eppenhusen, Rotcher van Glatbeke de drossete mynes heren hern Conrades van der Marke, Hinrik Vridagh van Adene, Goswin van Eppenhusen, Diderik van Holthusen de richtere tho Hurde ande andere gude lude. Dat desse dinc alle stede und vast blyven ande unthobroken, so beb ich Johan van Velmede vor my ande vor myne erven myn incgeseghele an dessen bref ghehancgen. Ande ich Johan van Velmede, Elsebe myn echte husvrowe, Godevred, Goswin, Bate ande Konegund unse kyndere myd al unsen erven loved under dessen incgeseghelen alle desse vorsprokenen dinc stede ande vast tho holdene. Desse bref wart gheghyven des nesten mandaghes vor Pynkesten, do men talde na der ghebort unses heren goddes dusend jar drehundert jar in deme tweiandeveyrtighesten jare.

Literatur

  • Otto Merx: Urkundenbuch des Clarissenklosters, späteren Damenstifts Clarenberg bei Hörde. Dortmund 1908

Anmerkungen

  1. Otto Merx: Urkundenbuch des Clarissenklosters, späteren Damenstifts Clarenberg bei Hörde. Dortmund 1908.

Siehe auch