Urkunde 1279 Mai 13 und Juni 8
Bischof Everhard von Münster bekundet am 13. Mai und am 8. Juni 1279, dass der Edle Balduin von Steinfurt dem Nonnenkloster in Hamm (später Kloster Kentrop) den Beyerinchof mit 2 Hufen in Isendorf und Borbein (bei Beckum) verkauft hat.
Wortlaut
Die Urkunde ist in lateinischer Sprache verfasst. Ihr Wortlaut wird nach dem WUB Band 7 zitiert: [1]
Everhardus miseratione divina Monasteriensis ecclesie episcopus .. universis Christi fidelibus presens scriptum inspecturis in vero salutari salutem. Quoniam omnium habere memoriam potius est divinitatis quam humanitatis, conscribi facimus ea que coram nobis aguntur, ne oblivioni tradantur. Eapropter universis Christi fidelibus tam presentibus quam futuris tenore presentium cupimus fore notum .. quod in nostra constitutus presentia Boldewinus nobilis vir dominus de Steinfordia de expresso consensu omnium heredum suorum uxoris sue videlicet Elizabet necnon fratris sui, Ottonis prepositi veteris ecclesie sancti Pauli Monasteriensis, filiique sui Ludolphi ac filiarum suarum Lise scilicet ac Elizabeth curiam dictam Beyerinchof cum duobus mansis: uno videlicet in Ysinchtorpe, reliquo vero in Borebenne suis necnon cum hominibus in ipsis bonis contractus tempore residentibus: videlicet Gerhardo schultheto in Beyerinchof una cum uxore sua pariterque suis liberis Alberto in Ysinchtorpe, Henrico in Borebenne cum suis uxoribus ac liberis necnon cum tota sua posteritate simulque universis ipsorum bonorum iuribus ac appendiciis ad dictum Boltwinum dominum de Steinvordia tunc spectantibus abbatisse ac conventui ordinis Cystertiensis in Hammone Coloniensis diocesis pure ac absolute vendidit pro centum marcis monete legalis ac pecunie numerate .. , proprietatem predictorum bonorum, hominum ac omnium attinentium, ut superius est premissum, idem Baltwinus dominus de Stenvordia sepedictus una cum suis heredibus prenominatis memorate abbatisse ac conventui coram nobis conferens liberaliter et resignans. Ut autem vendicio predicta perpetua maneat atque firma et a posteris inconvulsa, nos Boltwinus de Stenvordia sepedictus premissa vera esse ac pecuniam pro dictis bonis nos integraliter recepisse recognoscentes presens scriptum super hoc confectum cum appensione sigilli venerabilis viri domini nostri Monasteriensis episcopi ad petitionem prefate abbatisse ac conventus in signum reconitionis nostri sigilli munimine duximus roborandum. Acta sunt hec Monasterii in curia domus, que nunc episcopi dicitur apud sanctum Michahelem, tercio Idus Maii in die beati Servacii .. presentibus viris nobilibus domino Theoderico de Adenoys scolastico, domino Gerhardo de Lon et donuno Hermanno preposito dicto de Holte, magistro Lutberto, Theoderico de Heringen, Wernhero de Rede, Hunoldo de Beveren canonicis Monasteriensibus ac Richardo plebano sancti Lamberti, magistro Ludolpho capellano nostro; Henrico de Dettene dapifero, Richardo de Legden ac Rutgero de Mileten, Gerhardo de Lon, Gerhardo de Bermentvelde, Bernhardo de Pikenbroke, Engelberto de Bilrebeke, Gerhardo de Vullen militibus; Henrico dicto de Offerhus iudice, magistris scabinorum Johanne dicto Wreden, Bernhardo dicto Kerkerinc, Gerewino Divite, Bernhardo Divite, Hermanno Kerkerinc, Johanne dicto Bleken, Johanne dicto Bromere, Johanne de Cleihorst, Henrico de Rodenkerken scabinis universis Monasteriensibus et aliis quam pluribus. Datum anno Domini millesimo ducentesimo septuagesimo nono, sexto Idus Junii
Quellen
vgl. Kindlinger: Zisterzienserinnenkloster Kentrop bei Hamm (Abschriften von Urkunden aus dem Klosterarchiv), als Digitalisat einsehbar unter www.archive.nrw.de </ref>
Literatur
- Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901
Anmerkungen
- ↑ Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901