Urkunde 1273
Graf Engelbert von der Mark und der Edle Dietrich von Volmestein bekunden im Jahr 1273, dass der Ritter Hermann von Altena zu seinem und seiner Vorfahren Seelenheil dem Kloster Gevelsberg eine Hufe in Garenfeld (Bei Hörde) übertragen hat. Die Urkunde ist in Gevelsberg ausgestellt.
Wortlaut
Die Urkunde ist in lateinischer Sprache verfasst. Ihr Wortlaut wird nach dem WUB Band 7 zitiert: [1]
In nomine sancte et individue Trinitatis. Nos Engelbertus comes de Marka et Theodericus nobilis de Volmestiene universis Christi fidelibus in perpetuum. Quoniam hic ubi doletur decessio necessarie exspectatur successio, oportet, ne cum tempore simul et etate acta decedencium a memoria labantur, succedencium spicibus litterarum perpetuari. Innotescimus igitur tam presentibus quam futuris et protestamur, quod Hermannus miles dictus de Altenae contulit ecclesie in Gevelsberge consensu uxoris sue fratrum ac heredum suorum universorum pro remedio anime sue et antecessorum suorum mansum quendam quem habuit in Garnefelt cum casa quadam et ceteris attinenciis tam in agris quam in nemoribus eo iure quo ipse habuit. Quem videlicet mansum prius a Joanne dicto Wegennere conparavit et postea ab Engelberto sculteto de Brasele proprietatem bonorum antedictorum pro septem marcis emit, et hoc factum per concambium alterius boni in ecclesiam sancti Gereonis, ad quam mansus supradictus pertinuit, sed ut dictum est mutacione facta consensu ecclesie prenotate miles prescriptus sibi iure proprietario per scultetum iamdictum acquisivit. Ne autem tam sollemnis donacio aliqua sequacium possit calumnia inpugnari vel oblivione sepeliri, presentem paginam que rei geste seriem loquatur sigillis nostris duximus roborandam. Actum et datum apud Gevelsberch anno Domini M.CCLXX tercio presentibus: domino Henrico plebano de Siburgh, Vrowino plebano de Wetter, Johanne plebano de Daele, Gerardo, Giselero militibus de Altena fratribus ipsius militis; Conrado milite de Didynchoven, Arnoldo milite de Henrickirburgh, Henrico milite de Wickede, Goswino milite de Ulinbruck, Goswino milite de Hattenecke, Engelberto de Altena, Engelberto de Hegenscheyt, Erenberto de Husen et multis aliis tam suis nepotibus quam aliis.
Literatur
- Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901
Anmerkungen
- ↑ Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901