Urkunde 1223
Erzbischof Engelbert von Köln bekundet, dass sein Neffe Graf Friedrich von Isenburg für sein und seiner Eltern Seelenheil dem Kloster Elsey die Kirche daselbst und andere Besitzungen geschenkt habe, wieder andere Besitzungen aber verpfändet habe.
Wortlaut
Die Urkunde ist in lateinischer Sprache verfasst. Ihr Wortlaut wird nach dem WUB Band 7 zitiert: [1]
In nomine sancte et individue Trinitatis. Engelbertus Dei gratia sancte Coloniensis ecclesie archiepiscopus, dilectis in Christo . . priorisse et conventui in Elsey in perpetuum. Ex iniuncta nobis solicitudine pastorali commissarum ecclesiarum profectibus ea nos convenit providere diligentia, ut in hiis plantata subsistat religio et plantanda tam in temporalibus quam in spiritualibus largiente Altissimo sumere valeat incrementum. Sciant ergo presentes et futuri non ignorent, quod dilectus nepos noster Fridericus comes de Isenberch sui saluti cupiens consulere de consensu omnium fratrum et heredum suorum pro remedio anime sue suorumque parentum ecclesiam in Elsey cum dote et omnibus aliis attinentiis iam dicte ecclesie, insuper pomerium et mansum Gerwini cum omni integritate Deo et beate Virgini in Elsey libere et absolute obtulit et contradidit sororibus et fratribus ibidem Deo deservientibus possidenda simul et profutura. Molendina quoque et domum que Barme dicitur, sub ea forma dedit et obligavit conventui memorato, ut quemcunque exinde collegio hiis in sortem compntatis, quam primum triginta marcas ab eodem comite vel ab aliquo suo berede recepit, tam molendina quam eadem domus ad manus comitis sine omni difficultate redibunt eo adiecto, quod, cum matrem eius in fata cedere contingit, omnia bona quorum ipsa usumfructum habuerat, sepedictus conventus habebit libere, quousque iam dictus comes in solutionem debitorum sue matris triginta marcas assignavit ecclesie memorate. Cum igitur paci et quieti portantium iugum Christi in omnibus sit providendum, ut totius litis et calumpnie de medio tollatur materia, nos hanc donationem et factum coram nobis rite peractum confirmantes ad voluntatem et petitionem ipsius comitis presentem paginam exinde conscriptam tam nostro quam venerabilis fratris nostri Monasteriensis episcopi Theoderici et sepedicti comitis sigillis impressione fecimus communiri, auctoritate Dei omnipotentis et beatorum apostolorum Petri et Pauli districte inhibentes, ne quis ausu temerario formam facti pretaxati violare temptet vel presumat. Si vero aliquis instigante diabolo id facere non formidarit, sciat se vinculo excommunicationis innodatum, ut in die districti examinis cum Pilato accipiat portionem. Acta sunt hec anno Dominice incarnationis M°CC°XX°III, presidente Romane cathedre domino Honorio papa tercio, regnante Romanorum imperatore et semper augusto Frederico, anno presulatus nostri VIII°, indictione X. Presentes erant: dominus Otto Traiectensis episcopus, Engelbertus sancti Georgii in Colonia prepositus, Peregrinus clericus, Gerhardus custos; laici nobiles viri: dominus Gerhardus de Cleve, dominus Theodericus de Ravenesberch, dominus Otto comites, dominus Hermannus de Lippia et alii quam plures.
Literatur
- Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901
Anmerkungen
- ↑ Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901