Urkunde 1219
Erzbischof Engelbert von Köln bestätigt dem Kloster Oelinghausen den Erwerb verschiedner Einkünfte und Güter. Unter den Zeugen befinden sich Graf Adolf von der Mark und Graf Friedrich von Isenburg.
Wortlaut
Die Urkunde ist in lateinischer Sprache verfasst. Ihr Wortlaut wird nach dem WUB Band 7 zitiert: [1]
In nomine sancte et individue Trinitatis. Ego Engelbertus Dei gratia sancte Coloniensis ecclesie archiepiscopus universis Christi fidelibus presentem paginam inspecturis salutem in vero salutari. Presenti pagine res gesta inseritur, ne processu temporis a memoria labatur. Notum sit universis tam presentibus quam futuris, quod Godefridus comes de Arnesberg in suorum peccaminum remissionem decimam sitam super indagine in Helevelderemarke et duos solidos annuos in Ratberge in manus nostras resignavit. Nos vero eandem decimam cum duobus solidis annuis post resignationem factam ecclesie Olinchusen contulimus. Preterea prepositus Scedensis allodium iacens in Ekginchusen ecclesie prefate annexum cum capituli sui conniventia integraliter coram nobis libere ecclesie Olinchusen assignavit. Sane dominus Jonathas de Ardeie advocatus Scedensis ecclesie quicquid iuris sive dominii in eodem allodio nomine advocatie sibi addixit in presentia nostra constitutus sponte resignavit et donationem factam a Scedensi preposito approbavit. Insuper sciant universi, quod contractus cuiusdam concambii de quibusdam allodiis inter ecclesiam de Olinchusen et Timmonem militem Susatiensem in nostra celebratus est presentia. Ecclesia de Olinchusen allodium suum situm in Allagen cum decima coram nobis T(immoni) militi prefato cum omnibus suis libere donavit appenditiis. Econverso iam dictus T(immo) miles nobis presentibus allodium ipsius quod habet in Ostunen cum omnibus attinentiis contulit ecclesie iam dicte in eins allodii restaurationem, preter parvam decimam, que afhuete appellatur, quam conferre non potuit; ob hoc esmdem in manus nostras resignavit et nos eam ecclesie Olinchusen benigna contulimus voluntate. Ea propter scire volumus tam presentes quam posteros ad quos presens scriptum pervenerit, ut celebrati contractus nullius ingenio possint impediri et que coram nobis acta sunt per omnia rata maneant et illibata, nos presentem paginam cum sigilli nostri karactere communire decrevimus. Huius rei testes sunt: Theodericus Monasteriensis electus, Radolfus scolasticus Susatiensis, Thomas Veteris Ecclesie plebanus, Gerhardus sacerdos; Godefridus comes in Arnesberg, Adolfus comes de Marka, Fredericus comes de Isenberg, Henricus Niger, Rertoldus de Buren et ahi quam plures. Acta sunt hec [anno] Dominice incarnationis M°.CC°.XIX°.
Literatur
- Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901
Anmerkungen
- ↑ Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901