Urkunde 1166

Im Jahr 1166 verkauft der Kölner Erzbischof Rainald einen Wald bei Borgeln, der Broil genannt wird, als Zinslehen an den Ritter Helmwig von Holthausen, um damit ein anderes Gut in Gladbach davon zu bezahlen. Unter den Zeugen befindet sich u.a. Rabodo von Ruthenberg alias von der Marl.

Urkundentext

Der lateinische Urkundentext lautet nach Seibertz (S. 79-80):

In nomine sancte et indiuidue trinitatis.

Rainaldus dei gratia sancte coloniensis ecclesie archiepiscopus. vniuersis suis suc- cessoribus. et eiusdem ecclesie fidelibus in perpetuum. Ecclesiastice utilitatis sollicitudo nos amonet. et pastoralis officii cura constringit. bona ecclesie sine fructu iacentia. adhibito sapientum consilio. in usus ecclesiasticos competenter redigere. et his qui pro commutatione aliqua. bona sua ecclesie conferunt. ne aliquod in posterum a successoribus nostris grauamen super hoc sustineant. salubri consilio et necessario pontificalis auctoritatis patrocinio prouidere. Proinde uniuersis sacrosancte matris ecclesie filiis. tam futuris quam presentibus notificamus. quod predium quoddam monachorum de ura. in gladebach situm. nobilium quorundam circum sedentium iniuriosa uiolentia destructum. et tamquam ad nichilum redactum. comparauimus et in usus canonicorum beati Petri ordinauimus. Verum cum argentum pro predicto predio persoluendum ad manus non haberemus. utpote qui multa in labore ecclesie contra palatinum Conradum expendimus. ex deliberatione et consilio priorum coloniensium. inbeneficiatorum. et ministerialium nostrorum ex consilio quoque totius familie Sosatiensis. lucum quendam. quem uulgo broil uocant. iuxta burgelon situm. nulli prius usui seruientem. dilecto nostro Helmwico militi de Holthusen. pro dilecto xxviii marcis uendidimus. et ipsum argentum in reddendo supradicti predii debito locauimus. sicque in utroque facto. in emendo. et uendendo. utilitati et ecclesie honori consulte prospeximus. Factum est enim hoc. ea mediante conditione, ut uidelicet helmwicus miles. uel legitimi heredes sui. vi. tantum solidos. pro censu fundi. et xviii. nummos pro decima annuatim persoluant. et preter hec nichil omnino nobis aut successoribus nostris seruicii aut iuris de hoc feodo aliquo modo exhibeant. Ut autem hec nostre constitutionis pagina. prudentum testimonio et consilio rationabiliter ordinata. stabilis et inuiolata. tam ipsi quam uxori sue. ac heredibus suis in perpetuum per seriem successionis coloniensium antistitum permaneat. sigilli nostri inpressione eam roboramus. et pontificatus nostri patrocinio stabilitum communimus. et ne aliquis eam successorum nostrorum infringat uel immutet. sub uinculo anathematis. auctoritate beati Petri apostoli et nostra. districte interdicimus. Pax Christi amen. Testes. Hermannus maioris ecclesie coloniensis prepositus. Philippus decanus. Sifridus xantensis prepositus. Nykolaus abbas sibergensis. Magister iohannes. Conradus custos. Bertoldus decanus. et ceteri sosatienses canonici. Comes Otto de rauensberg. et heinricus frater eius. Comes Euerhardus de altena. et filius eius arnoldus. Luidolfus de dasla. Conradus et Rabodo de Ruthenberg. Heinricus de uolmudestene. Heinricus de alphem. Gerhardus aduocatus coloniensis. et frater eius Hermannus. Walterus aduocatus. et filius eus Walterus. Thiemo. Albertus. Regenbodo et filius eius regenbodo. Hildegerus Sculthetus. Brunstenus. Winandus. Marsilius et filii eius. Regenbodo et Marsilius. Thiodericus de lo. Regenbodo de nutenen. Thiodericus de thinkere. acta sunt hec. anno dominice incarnationis M. C. LX. VI. Indict. XIIlla. Imperante domino Friderico Romanorum imperatore glorioso. anno regni eius xiiii. Imperii xi et anno Pontificatus nostri 1. in dei nomine. feliciter. amen.

Literatur

• Joh. Suibert Seibertz: Urkundenbuch zur Landes- und Rechtsgeschichte des Herzogthums Westfalen. Erster Band. 799-1300. Arnsberg 1839

Siehe auch

• Portal:Urkunden