Urkunde 1379 Februar 5
Thiderich von Volmestein überlässt am 5. Februar 1379 dem Johann von Berle seinen Hof zu Berle, der frei von allen Diensten und Beden ist, die ansonsten die Freien von ihren Gütern abführen müssen. Dafür erhält er den Hof zu Baglo.
Wortlaut
Die Urkunde ist in mittelniederdeutscher Sprache verfasst. Ihr Wortlaut wird nach Kindlinger zitiert: [1]
Kundich sy allen Luden, de dussen Breiff seyt und horen lesen, dat ich Diderich van Volmestene Knape, na Raide, myt Vulbart und myt guden Willen Gostien myn eliken Husfrowen und all min rechten Erven und Anerven hebbe opgelaten und quit gegeven, und geve vry, quit, ledig und loss uth myner Hand und uth Hand al myner echten Erven und Anerven restliken in dussen Breve Johanne van Berle und all sinen rechten Erven und Anerven ere Hove, geheyten de Hoff to Berle, belegen in dem Kerspele to Herborne, vry to besitten myt allen Slachternuth und Tobehoringe van alme Deynste, Beeden und Deynstesrechte, dey man van vryen Erven und Hoven to gevene plegt, dar Johans vorg. und syne echten Erven und Anerven er Hove vorg. vor Gyffte dusses Breves mede to my Diderike vorg. und to mynen rechten Erven und Anerven verbunden hadde gewesen: und ich Diderich vorg. noch all myne rechten Erven und Anerven noch Nymand van unserentwegene sollen eneyne Schattinge, Pendunge, Gave, Bate, Bede, Deynst und Deynstesrecht van Johans vorg. erer Hove begerende und eyschende syn: Und ich, Diderich vorg. und all myne rechte Erven und Anerven wilt und sollen waren und rechte Warschop doen Johan vorg. und synen Erven und Anerven er Hove vorg. vry, ledigh und loss van allen Deynsten vorg. als des boven und benden in dem Lande wonede und Recht is, sunder Wedersprake, wan Johan vorg. und syne rechte Erven und Anerven darumb uns manet, und dat van uns hebben wilt. Und dusse Hove vorg. hebbe ich Diderich vorg. und myne rechte Erven und Anerven vry gemaket, geven, und verkoft Johan vorg. und synen rechten Erven und Anerven umb ere Hove, geheiten de Hove tho Baglo, belegen in dem Kerspele tho Steinforde, und hebbt my de opgelaten vor Johan van Nysing, myn Frygreve in der Tyd, dar he sath up den Fryenstole in gehegeden Gerichte to Wilshorst, und dar to Tyden als up den Dagh, als dusse Breff helder in syn Datum, wan dat hey gegeven sy; und hever de vorg. Hove upgelaten myt Hande und myt Munde, und hevet darup alles Rechtes vertagen. Und was over und an Iuncher Wilhelm van Buren, Otte dey Meygher, Evert van Suttorpe, de vrye van Bekedorpe, Johan Brochtorp, Johan de vrye van Acquick, Johan de Stomeier und viel andere gude Lude, all Argelist, Ferpel und allet, dat dusse vorg. Johan und synen rechten Erven und Anerven an dusse vorg. Stucken hindern mochte, litterliken uthgesproken. In aller dussen vorg. Saken und Betuchnisse dusser Vriheit der Hove vorg. und all dusser vorg. Rede so hebbe ich Diderick van Volmesteyne Knape vor my und vor Gostien myne elike Husvrowe und vor all myne rechte Erven und Anerven myn Ingesegell gehangen an dussen Breff to Tughe: und ich vorg. Diderik und myne rechte Erven und Anerven seckert in guden Truwen, und lovet myt samender Hand, dusse Saken, wu vorg. wal vast und stede to haldene. Datum anno Domini M°. CCC°. septuagesimo nono, ipso die beate Agathe virginis gloriose.
Bemerkungen
Die Datierung der Urkunde bezieht sich auf den Festtag der heiligen Agathe, der jährlich am 5. Februar begangen wird.
Literatur
- Niklas Kindlinger: Geschichte der Familie und Herrschaft von Volmestein - ein Beytrag zur Geschichte des Bauern- und Lehnwesens, und der Staatsverfassung. Welcher die Urkunden enthält. Osnabrück 1801.
Anmerkungen
- ↑ Niklas Kindlinger: Geschichte der Familie und Herrschaft von Volmestein - ein Beytrag zur Geschichte des Bauern- und Lehnwesens, und der Staatsverfassung. Welcher die Urkunden enthält. Osnabrück 1801.