Urkunde 1323 Januar 20

Graf Ruprecht von Virneberg bestätigt am 20. Januar 1323 den Schiedsspruch, dass Graf Engelbert von der Mark die Burg und das Gogericht Davensberg in die Hand zurückgeben soll, aus der es sie erworben hat.

Wortlaut

Die Urkunde ist in mittelniederdeutscher Sprache verfasst und wird nach Bockhorst/Niklowitz zitiert:

Wi, greve Rotprecht van Virneborgh, eyn overman unde sonman mit deme edelen manne greven Godevrede van Seynen der twist unde des crighes, de upghelopen is twisghen den ersomen heren bisscop Lodewighe van Monstere unde sinen stichte van eyner partye unde greven Engelberte van der Marke van der anderen partye, don kundigh allen den, die dessen bref sien und horen lesen, dat wi na den sonbreven des vorbenomden bisscop Lodewiges van Monstere unde greven Engelbertes van der Marke ghemanet unde vorbodet sin unde komen sin in to Alen, to secgene eyn recht na den sonbreven. Unde wante de vorbenomde greve Godevred van Seynen to uns to Alen nicht komen is, so secke wi unde spreket vor eyn recht, also Henric Korf unde Adolf van Batenhorst, riddere, sonlude der vorbenomden twist und crighes, gheseghet unde ghesproken hebbet vor eyn recht, dat greve Engelbert van der Marke dat hus ton Daverenberghe unde dat gogherichte to den Daverenberghe sal wederlaten in die hand, dar he sie wederkofte. Unde wat ghebeteret is to Horne na den sonbreven, Goswines hus van Hatnecke, Goswines hus repes unde Lunen, die sal he unvortrecket breken. Were ouch, dat die vorbenomede greve Engelbert van der Marke des nicht en dede, sp spreke wi vor eyn recht, dat he sine benomden sonbreve den vorbenomden bisscope Lodewighe van Monstere unde sinen stichte nicht ne helde. To eynen orkunne desser vorgesprokenen rede hebbe wi unse ingheseghel in dessen bref ghehanghen. Dit is gheschen unde desse bref is ghegheven to Alen na unses heren Godes ghebord in den dusendesten drehunderdesten dreuntwintighesten iare, to sante Fabianes unde Sebastianes daghe.

Siehe auch

• Portal:Urkunden