Urkunde 1303 September 4

Graf Everhard von der Mark und sein Sohn Engelbert verkaufen dem Stift Kappenberg am 4. September 1304 ihre wüste Mühlenstätte in Lünen.

Wortlaut

Die Urkunde ist in lateinischer Sprache verfasst und wird nach Bockhorst/Niklowitz zitiert:

Nos Everhardus comes de Marcha et Engelbertus primogenitus eiusdem universis presentia visuris recognoscimus et tenore presentium publice protestamur, quod nos de bona nostra voluntate et heredum nostrorum Adolfi et Conradi ceterorumque coheredum nostrorum consensu voluntario et expresso vendidimus pure et simpliciter religiosis viris preposito et conventui monasterii Capenbergensis Premonstratensis ordinis Monasteriensis dyocesis iusto titulo emptionis et venditionis destructionem, depositionem seu desertionem perpetuam, que vulgo dicitur wustinge, molendini nostri Lunen pro centum et decem marcis Monasteriensium legalium denariorum pecunie numerate nobis penitus et solute. Per nos, nostros heredes seu successores nostros aut aliquem vel aliquos nomine nostri in perpetuum nullatenus instaurandi seu etiam restituendi nec etiam aliud molendinum infra Lunen vel in fossato ibidem construi novum seu aliquando depositum reedificari poterit, per quod predictum monasterium impediri valeat quomodolibet vel gravari. Proviso insuper, quod si prefatum opidum quocunque modo in manus alterius cuiuscumque per nos seu nostros heredes translatum fuerit, cavebimus monasterio antedicto, quod prehabita destructio, depositio seu desertio stabilis et firma permanest et ibi molendini constructio de cetero nulla fiat. Subnotatis testibus, quorum hec sunt nomina: Theodericus dictus Vridag, Gerlacus de Luttelenowe, Theodericus de Leten et Albertus de Vresendorpe milites, Engelbertus Fransoys rector ecclesie de Metlere et Hermannus de Wittene gogravius noster in Unha. In cuius rei testimonium sigilla presentibus sunt appensa. Datum anno Domini M°CCC° tertio, pridie nonas Septembris.

Siehe auch

• Portal:Urkunden