Urkunde 1294 März 17 a
Graf Everhard von der Mark überträgt am 17. März 1294 den Hof Lünemann dem Stift Kappenberg und erhält dafür vom Stift im Gegenzug einen Hof in Velmede.
Wortlaut
Die Urkunde ist in lateinischer Sprache verfasst und wird nach Bockhorst/Niklowitz zitiert: [1]
Everhardus Dei gratia comes de Marca omnibus in perpetuum noticiam rei geste. Quia labilis est hominum memoria, ne quod bona fide agitur lapsu temporis et mentis oblivione depereat, cautum est placita hominum sigillatis apicibus perennari. Noverint igitur singuli et universi tam presentis etatis homines quam future, quod Arnoldus dictus Rulle acceptis a preposito et conventu monasterii in Capenberg Premonstratensis ordinis Monasteriensis dyocesis sexaginta et quinque marcis denariorum Monasteriensium domum, que dicitur Lune, quam a nobis iure homagio possederat cum hominibus, casis, silvis, nemoribus, pascuis, pratis, terris cultis et incultis et universis ad dictam domum pertinentibus in manus nostras pure et libere resignavit. Conradus eciam de Metlare et uxor sua Beatrix, mater Arnoldi predicti, et liberi eorundem, videlicet Bernardus, Johannes et Oda, si quid iuris haberent vel habere possent quoquo modo in domo Lune prefata et universis attinenciis suis in manus nostras eciam integraliter resignabant. Nos vero de assensu domine Irmegardis uxoris nostre et coheredum nostrorum scilicet Engelberti, Adolphi, Conradi, Margarete, Irmegardis, Katherine et Cunegundis permutacionis titulo racionabiliter facto domum Lune antedictam cum hominibus, casis et omnibus aliis ad dictam domum pertinentibus preposito et conventu in Capenberg contulimus et conferimus in hiis scriptis cum omni iuris plenitudine ab ipsis in perpetuum proprietatis titulo possidendam. Versa vero vice prepositus et conventus monasterii in Capenberg prelibati ius proprietatis domus in Velmede, quam domum Ludolphus miles de Velmede hucusque a preposito de Capenberg iure homagio possederat, in nos et heredes nostros libere transtulerent. In cuius rei testimonium et, ut premissa perpetuo firma permaneant et imconvulsa, presentem paginam nostro et domine Irmegardis uxoris nostre predicte sigillis fecimus communiri subnotatis testibus quorum hec sunt nomina: Conradus cellerarius Capenbergensis, Rudolphus plebanus Wernensis, Gerwinus de Rinkenrode, Johannes de Hovele, Pulcianus, Engelbertus de Heriborne, Andreas Marscalcus, Gerhardus Knippinc, Randofus Hake, Lambertus de Velmede et Engelbertus de Lon, milites; Richardus de Hesne, Theodericus Vrihdach, Alexander et Godefridus fratres de Werne, Gerhardus de Barchusen et alii quam plures. Acta sunt hoc loco, qui dicitur Rikesmole. Datum anno dominice incarnacionis millesimo ducentesimo nonagesimo tertio, in die Gerthrudis virginis.
Anmerkungen
- ↑ vgl. Wolfgang Bockhorst/Fredy Niklowitz: Urkundenbuch der Stadt Lünen bis 1341. Lünen 1991, S. 112