Urkunde 1294 März 17
Graf Everhard von der Mark überträgt am 17. März 1294 den Hof Lünemann an das Stift Kappenberg.
Wortlaut
Die Urkunde ist in lateinischer Sprache verfasst und wird nach Bockhorst/Niklowitz zitiert: [1]
Nos Everhardus comes de marca universis presencia visuris notum esse volumus, quod Arnoldus dictus Rulle constitutus coram nobis in Marca proxima de Blasii martiris acceptis a preposito et conventu monasterii in Capenberg sexaginta et quinque marcis denariorum Monasteriensium domum, que dicitur Lune, quam a nobis iure homagio possederat, cum hominibus, casis et universis attinenciis suis in manus nostras pure et libere resignavit. Conradus etiam de Metlare ibidem, si quid iuris haberet vel habere posset in domo predicta vel suis attinenciis, nobis integraliter resignabat. Huius resignationis testes sunt: Conradus cellerarius in Capenberg, Rodolphus plebanus Wernensis, Johannes de Hovele, Johannes Volenspit, Engelbertus de Heriborne, Pulcianus, Arnoldus Lappe, Andreas Marscalcus et Gotscalcus de Hesne, milites, Richardus de Hesne et alii quam plures. Postea, proxima videlicet die Juliane virginis, veniens ad nos Beatrix, uxor Conradi et mater Arnoldi predictorum, loco, qui dicitur Rikesmole, ius, quod vulgo liftucht dicitur, quod in eadem domo et suis attinenciis habuerat, in manus nostras etiam resignavit, Bernardo filio Conradi et Beatricis prefactorum ibidem pariter nobis resignante, si quid iurisaberet vel habere posset in premissis. Ibidem etiam promiserunt fide data nobis et castellanis nostris, videlicet Gerwino de Rinkenrode, Johanni Volenspit, Pulciano et Engelberto de Heriborne, militibus, ex parte nostra et ex parte ecclesie Capenbergensis Herimannus de Hovele, Engelbertus de Lon et Lambertus de Velmede, milites, item Conradus de Metlare, Everhardus de Werne et Lambertus de Sveve, si nos vel ecclesia Capenbergensis ratione domus Lune sepedicte ab aliquibus seu ab aliquo inpeteramur vel gravaremur via iuris, nos indempnes se facturos, alioquin se civitatem nostram Hammonensem intraturos et inde non exituros, quousque premissa ad integrum persolvissent. Reliqui etiam heredes Conradi et Beatricis antedictorum, videlicet Johannes et Oda, ex parte nostra in manus Conradi cellerarii Capenbergensis et Rodolfi plebani Wernensis coram iudicio Werne resignabant, si quid iuris haberent vel habere possent in domo memorata vel suis sttinenciis quibuscumque. Nos vero de assensu domine Irmgardis uxoris nostre et coheredum nostrorum permutationis titulo rationabiliter facto, domum, que dictur Lune, sepedictam preposito et conventui monasterii in Capenberg contulimus et conferimus in hiis scriptis cum hominibus, casis et universis attinenciis suis iure proprietatis in perpetuum libere possidendam, recipientes ab eisdem preposito videlicet et conventu in Capenberg ius proprietatis domus in Velmede, quam domum Ludolfus miles de Velmede a preposito in Capenberg actenus iure homagio possederat et a nobis eodem iure deinceps possidebit. Ut autem premissa perpetuo firma permaneant et inconvulsa, presentem paginam sigillo nostro fecimus communiri, subnotatis testibus, quorum hec sunt nomina: Conradus cellerarius Capenbergensis, Rudolphus plebanus Wernensis, Gerwinus de Rinkenrode, Johannes de Hovele, Pulcianus, Engelbertus de Heriborne, Andreas Marscalcus, Gerhardus Knippinc et Engelbertus de Lon milites; Theodericus Vrihdach, Alexander et Godefridus fratresde Werne, Everhardus de Werne, Gerhardus de Barchusen, Gerhardus iudex in Werne, Johannes Comes, Escekinus et alii quam plures. Datum anno dominice incarnationis millesimo ducentesimo nonagesimo tercio, in die Gerthrudis virginis.
Anmerkungen
- ↑ vgl. Wolfgang Bockhorst/Fredy Niklowitz: Urkundenbuch der Stadt Lünen bis 1341. Lünen 1991, S. 111