Urkunde 1276 Juni 11
Erzbischof Siegfried von Köln genehmigt am 11. Juni 1276 die Vereinigung der Kapelle zu Hamm mit dem Zisterzienser-Nonnenkloster daselbt, dass später nach Kentrop ausgesiedelt wird.
Wortlaut
Die Urkunde ist in lateinischer Sprache verfasst. Ihr Wortlaut wird nach dem WUB Band 7 zitiert: [1]
In nomine sancte et individue Trinitatis, amen. Sifridus Dei gracia sancte Coloniensis ecclesie archiepiscopus, sacri imperii per Ytaliam archicancellarius universis tam presentibus quam futuris in perpetuum. Paterno desiderio subditorum nostrorum presertim nobilium et magnatum pia vota que circa beneficia monasteriis et piis locis inpendenda concipiunt benivole tenemur admittere et, prout opus fuerit, factum ipsorum litterarum nostrarum testimonio perpetuo perhennare. Eapropter ad presencium et futurorum noticiam pervenire volumus, quod vir nobilis Engilbertus comes de Marka consenciente in hoc expresse Everardo primogenito suo ad salutem suam et progenitorum suorum devocionis zelum habens ius patronatus et quicquid ad hoc dependet capelle opidi sui in Hamone habentis cimiterium et baptisma, prout ad ipsum libere spectabat et pertinuit, contulit et donavit pure et simpliciter propter Deum pro se et heredibus suis cenobio sanctimonialium ordinis Cisterciensis sito in opido predicto et transtulit perpetuo in manus ipsius cenobii quicquid iuris habuit in iure iuris patronatus predicti petens a nobis ipsam capellam cum suis attinenciis uniri et incorporari dicto cenobio sine preiudicio matricis ecclesie cui subiecta fuisse dicitur ab antiquo. Nos ipsius cenobii conmodis intendentes et iustis precibus dicti ... comitis et ... primogeniti ipsius inclinati precavendo tamen sollerter dispendiis matricis ecclesie predicte liabito ad hoc consilio honorabilium virorum dilectorum in Christo Th(ilmanni) decani et Hartmanni de Livesberg prepositi Resensis canonicorum Coloniensium quibus conmiseramus, ut circumstancias, condiciones et statum dicte capelle inquirerent et investigarent diligenter, approbando donadonem factam a dicto comite ac ipsam auctoritate ordinaria confirmando eandem capellam dicto cenobio unimus et incorporamus presencium testimonio perpetuo litterarum, eo salvo quod in perpetuum rectori matricis ecclesie de eadem cappella singulis annis solventur quatuor marche monete usualis ibidem in reconpensacionem subiectionis antique et medietatem procuradonis synodalis ipsa capella solvet illi qui loco archidiaconi synodo in matrice ecclesia pro tempore presidebit. In aliis omnibus ipsam capellam auctoritate ordinaria eximimus et volumus ad dictum cenobium libere pertinere. In cuius rei testimonium et firmitatem perpetuam sigillum nostrum una cum sigillis .. prepositi et .. decani Coloniensium presenti pagine duximus apponendum. Datum et actum anno Domini millesimo ducentesimo septuagesimo sexto, tercio Ydus Junii.
Literatur
- Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901
Anmerkungen
- ↑ Westfälisches Urkundenbuch. Band 7. Die Urkunden des kölnischen Westfalens vom J. 1200-1300. Münster 1901