Urkunde 1224 September 4

König Heinrich (der VII.) betsätigt am 4. September 1224 in einer in Dortmund augestellten Urkunde die Urkunde Friedrichs II., wonach das Katharinenkloster in Dortmund unter den Schutz des Königs gestellt ist. Unter den Zeugen der Urkunde treten Friedrich von Isenburg und Adolf von der Mark auf.

Wortlaut

Die Urkunde ist in lateinischer Sprache verfasst und hat folgenden Wortlaut:

In nomine sancte et individue trinitatis. Heinricus septimus divina favente clementia Romanorum rex et semper augustus. Religiosam vitam eligentibus regale vonvenit adesse presidium et protectionis nostre suffragium impertiri, ne forte cuiuslibet incursus aut eos a proposito revocet, aut robur, quod absit, sacre religionis infringat. Ad noticiam igitur omnium fidelium presentium et futurorum devenire volumus, quod nos ad imitationem progenitorum nostrorum Heinrici sexti, avi nostri, et Friderici secundi, patris nostri, bone memorie Romanorum imperatorum ac regum Sicilie, pro remedio animarum suarum ac pro nostra etiam salute, terram curie nostre et imperii in oppido Tremonie adiacentem dedimus ad constructionem officinarum monasterii, quod ibidem ad honorem sanctissime virginis et martyris Katerine est constructum, ipsum quoque monasterium cum omnibus bonis suis et prediis suis, que nunc possidet vel in posterum domino concedente poterit adipisci, sub speciali protectione nostra recipientes, ea sibi stabilitate perpetua confirmamus et presenti scripti privilegio communimus, volumus siquidem, ut ordo canonicus, qui secundum dei timorem et beati Augustini regulam ibi deo auctore institutus esse dinoscitur, perpetuis ibidem temporibus inviolabiliter observetur. Pretrea quascunque possessiones, quecunque bona in terris, vineis, mancipiis, censibus, decimus, molendinis, aquis, aquarumve decursibus, pratis, pascuis, nemoribus, campestribus, collibus, vallibus, terris cultis aut incultis aut quibuslibet aliis rebus, que eadem ecclesia in presentiarum iuste possidet aut in futurum concessione pontificum, largicione regum vel principum, oblatione fidelium aut aliis iustis modis deo propicio poterit adipisci, firma eis earumque successoribus illibata permaneant. Ad hoc paci earum providere optantes, regali auctoritate inhibemus, ut nulla ecclessiastica secularisve persona iam dictam ecclesiam et eius ambitum vi vel fraude occupare, aut religiose conversationis sorores exinde audeat removere. Decernimus ergo, ut nulli omnino hominum liceat eandem ecclesiam temere perturbare, aut eius possessiones auferre vel ablatus retinere, minuere, seu aliquibus vexacionibus fatigare, sed illibata omnia et integra conserventur, earum pro quarum gubernacione ac sustentacione concessa sunt usibus omnimodis profutura, firmissima etiam stabilitate confirmanmus et observari precipimus, ut quicunque fidelium utriusque sexus Tremonie vel extra Tremoniam degentium, mansos, agros, prata, pascua, domos, sive molendina que ab imperio sub pensione possident, prefate ecclesie sacratisque deo personis conferre voluerint, a nostra regali munificentia liberam et efficacem habeat conferrendi facultatem ita tamen, ne curia nostra debita pensione privetur, prdium vero Koningescamp in vulgari nuncupatum, quod pater noster sepedicte ecclesie contulit, collatum clementer annuimus et perpetua libertate communimus, advocatiam bonorum ipsius ecclesie nobis successoribusque nostris, nulla persona media, imperpetuum reservantes, ligna etiam 4 hubarum in regio nemore ad usus ancillarum Christi pro salute anime nostre nec non pro terreni nostri imperii stabalitate ipsis in perpetuum largiri precipimus. Si qua igitur in futurum ecclesiastica secularivse persona contra hanc nostre constitutionis paginam temere venire temptaverit, secundo tertiove commonita nisi presumptionem suam congrua satisfactione correxerit, indignationis nostre penam sentiet centum libras auri compositura medietatem camere nostre, alteram medietatem prefate ecclesie. Huius rei testes sunt Engelbertus Coloniensis archiepscopus, comes Gerhardus de Diethis, Fridericus iunior dux Austrie et Styrie, comes Fridericus de Ysenburg, comes Adolphus de Altena, Olricus nobilis vir de Beka, Conradus camerarius de Werda, Conradus comes de Tremonia et alii quam plures. Acta sunt hec anna dominice incarnationis 1224. Datum apud Tremoniam per manum Marquardi imperialis aule notarii, 2 nonas Septembris indictione 12.

Siehe auch

• Portal:Urkunden