Urkunde 1351 Januar 20

Aus HammWiki
Zur Navigation springen Zur Suche springen
Die druckbare Version wird nicht mehr unterstützt und kann Darstellungsfehler aufweisen. Bitte aktualisiere deine Browser-Lesezeichen und verwende stattdessen die Standard-Druckfunktion des Browsers.
Wappen der Familie von Volmarstein

Unter dem Datum des 20. Januar 1351 wird die Einrichtung einer Vikarie in der Pfarrkirche zu Heessen durch Agnes, Witwe von Volmarstein, und ihre Söhne beurkundet.

Wortlaut

Die Urkunde ist in lateinischer Sprache verfasst. Ihr Wortlaut wird nach Kindlinger zitiert: [1]

In nomine Domini amen. Ludowicus Dei gratia monasteriensis Ecclesie Episcopus, universis & singulis, ad quos, quorumve notitiam presentia pervenerint, salutem in Domino sempiternam. Ex parte dilectorum in Christo Agnetis Relicte quondam Theoderici de Volmestene pie memorie ac Theoderici filii sui primogeniti, necnon Gerwini & Johannis fratrum ipsius nobis humiliter exstitit supplicatum, ut, cum ipsi in honorem & gloriam omnipotentis Dei, sueque pie matris semper virginis Marie & omnium sanctorum, necnon in animarum suarum suorumque parentum & progenitorum remedium & salute, pie desiderent, Altare beate Marie virginis constructum in Ecclesia parrochiali in Hesne nostre monasteriensis Dyocesis de bonis suis propriis fundare reditibus decenter & dotare, nos inde beneficium ecclesiasticum perpetuum creare dignaremur, cui rector preficiatur, qui perpetuis temporibus successivis ibidem missam celebrer cottidie, & de ipsius altaris redditibus possit competenter sine gravamine & prejudicio dicte parrochialis Ecclesie in Hesne, necnon rectoris ejusdem sustentari, premissaque de consensu nostro, ad quem pertinet jus Patroatus sive presentationis Ecclesie predicte, necnon de consensu dilectorum nostrorum nobis in Christo, honorabilis Domini, Domini Godefridi Preposito & Archidiaconi sancti Martini & Theoderici Rectoris dicte Ecclesie parrochialis in Hesne procedi dignoscantur. Nos itaque pio proposito favorabiliter annuentes, ac intimo cordis desiderio cupientes cultum divinum nostris temporibus ampliare, recepta resignatione & donatione bonorum suorum reddituum duorum moltorum filiginis & duorum moltorum ordei mensure hammonensis de bonis suis propriis, scilicet ex domo Henrici tho Dalbokhem sita infra parrochia Bokhem singulis annis in festo beati Martini Episcopi hyemalis perpetue solvendorum, cum quibus redditibus Agnes ac Theodericus, Gerwinus & Johannes ejus filii exnunc intercedente nostra authoritate perpetue dotant altare supradictum, bona sive redditus annuos hujusmodi ipsi altari, ut ad illud perpetue pertineant, applicamus & designamus, decernentes illud sic dotatum perpetuum esse & debere Beneficium ecclesiasticum reputari. ne tamen jus ipsius parrochialis Ecclesie in Hesne pretextu hujusmodi altaris ledatur in aliquo, volumus, statuimus & ordinamus, ut oblationes, que super illud altare pro tempore obvenerint, sine diminutione aliqua Rectori dicte parrochialis Ecclesie in Hesne, ad quem has pertinere decernimus, assignentur & tradantur; ac nichilominus Agnes, Theodericus, Gerwinus & Johannes ejus filii predicti redditus annuos sex solidorum denariorum in Hammone legalium & dativorum singulis annis in festo beati Martini prefato Rectori Ecclesie in Hesne solvendorum perpetuis temporibus successivis donant & assignant, prout in littera super hoc confesta plenius continetur.Preterea Agnes, Theodericus, Gerwinus & Johannes predicti, eorumque successores legitimi & heredes bona sua supradicta, de quibus dicti redditus annui exsolventur, per suos homines cultura debita coli efficunt & procurabunt; sicque absque difficultate & inpedimento quibusliber iidem redditus Rectori dicti altaris integre exsolvantur, & eidem pro sua voluntate temporibus debitis & consueris presententur. Insuper Agnes, Theodericus, Gerwinus & Johannes predicti & eorum heredes non exactionabunt cultores, qui pro tempore fuerint dicte domus, de qua annui redditus Rectori predicti Altaris exsolvantur. Item volumus, statuimus, decernimus & ordinamus, quod sepedicta Agnes, Theodericus, Gerwinus & Johannes, eorumque successores legitimi & heredes in predicto altari duas habeant provisiones sive presentationes duntaxat, scilicer primam & secundam immediate sese subsequentes: Extunc ammodo, quotiescumque altare predictum vacare contingerit, ejus provisio seu presentatio ad Rectorem predicte parrochialis Ecclesie in Hesne pertinebit, qui personam ydoneam, actu sacerdotem ad ipsum altare presentabit more solito & consueto. Et quia omnia & premissa de libero plenario & expresso consensa nostro ac Domini Godefrido Preposito Archidiaconi sancti Martini monasteriensis ac Theoderici Rectoris Ecclesie parrochialis in Hesne predictorum processerunt, has litteras ad perpetuam rei memoriam nostro sigillo cum sigillis predictorum fecimus communiri. Nos vero Godefridus Prepositus & Archidiaconus ac Theodericus Rector Ecclesie parrochialis in Hesne monasteriensis Dyocesis predicte recognoscimus publice, omnia & singula premissa de nostris libera plenaria & expressa voluntate & consensu processisse ac ordinata esse, maturaque deliberatione prehabita, indempnitate ymo utilitate ipsius Ecclesie in Hesne fore procuratas, que & nos Agnes, Theodericus, Gerwinus & Johannes predicti similiter ad nostram petitionem & instantiam recognoscimus processisse; nosque bona sive redditus predictos sponte libere & ex certa scientia in & ad manus reverendi patris & Domini nostri, Domini Ludewici, monasteriensis Ecclesie Episcopi antedicti, necnon ad usus & voluntates, ut premissum est, resignasse & donasse. In cujus rei testimonium & ipsius perpetuam memoriam sigilllum meum Agnetis una cum sigillis Theoderici & Gerwini filiorum meorum presentibus appensis est appensum; sub quibus sigillis ego Johannes de Volmestene proprio carens sigillo sigillis eorum contentus premissa omnia recognosco & protestor esse vera. Datum anno Domini millesimo CCCmo L primo, ipso die Fabiani & Sebastiani martirum.

Bemerkungen

Die Datierung der Urkunde bezieht sich auf den Festattg der Märtyrer Fabian und Sebastian, der jährlich am 20. Januar begangen wird.

Literatur

  • Niklas Kindlinger: Geschichte der Familie und Herrschaft von Volmestein - ein Beytrag zur Geschichte des Bauern- und Lehnwesens, und der Staatsverfassung. Welcher die Urkunden enthält. Osnabrück 1801.

Anmerkungen

  1. Niklas Kindlinger: Geschichte der Familie und Herrschaft von Volmestein - ein Beytrag zur Geschichte des Bauern- und Lehnwesens, und der Staatsverfassung. Welcher die Urkunden enthält. Osnabrück 1801.

Siehe auch