Urkunde 1366 Juni 4

Graf Engelbert von der Mark vermittelt am 6. Juni 1366 einen Ausgleich zwischen dem Rat der Stadt Dortmund und seinem Diener Conrad Schonweder.

Wortlaut

Die Urkunde ist in mittelniederdeutscher Sprache verfasst und hat folgenden Wortlaut:

Wy Engelbracht, greve van der Marke, doin kunt allen luden, de desen breyf seyn of huren lesen, dat de burgermeystere und de raet van Dorpmunde an eyn siit und Conraed Schonweder unse knecht an de andere siit hebben op vurgenomden daghen, dar wii mit unsen vrunden yeghenwordich waren, er eyn den anderen an gesproken und antworde geven van alsulken saken, as den vurg. partyen brake was er eme tho dem andern, wilker saken vursc. de partyen vurg. sint eyner scheidinge und eyner soyne an uns gegaen und gebleven, dey wy mit erer beyder wist und willen hebbe gescheiden und gemoitsoynt in maneyren und wysen, as hir na volgt bescreven. Int eirste, so segge wii vur eyne moitsoyne und vur eyne scheidinge den vurs. partyen as umme de vurwerde, de dey raet van Dorpmunde Conrad Schonwedere gegeven hadde, de eme gebroken wart, des sal sich de rait aller argelist af nemen, und dat sey rades und dades dar ane unschuldich waren, dat Conraide de vurwerde gebroken wart, und dat en leyt was, dat Conrade dit geschach, ind de rait sal Bertram van dem Putte dar tho halden, wu he nu of hir na bynnen Dorpmunde sii, dat he sal Couraide bidden, dat he eme vurgeve, dat he ene sloich bynnen der vurwerde, und hir mede sal de rait unde de burgere van Dorpmunde van Couraide quiit syn aller ansprake van der vurwerde weghen. Item so segge wy den vurg. partyen as vur, dat allet, dat vur dem daghe, dat dese breyf gegeven is, de rait und Conraid vurg. er eyn op den andern hebben gesproken und gescreven und er eyn wider den andern gedayn und gevordert und dat van den saken op gestaen is, de tuschen dem raide und Conrad vurg. gevallen sint, de den raet an drapen of an drepen, dat aal nu vort an quit und doyt syn. Item, so segge wy den vurg. partyen as vur, were op Conraide vurg. enich gelt gewunnen mit pleyte, de dem raide an gengen, dat gelt unde de pleyte sulen nu vort an quiit und doyt siin. Item, so segge wy den vurg. partyen as vur, Conraid sal nu vort an nicht keren tho Dyderich Overberch as umme de boytschap wyllen, de hey van des raids wegen vurg. tho Colne hevet gedan wyder Conraide vurscr.Mer gescheit, dat Dyderich vurg. hir namaels spreke of lese enighe worde of breyve, de hey van des raides weghene hir vurmaels op Conraide hevet gesproken und gelesen, der sal eme de rait untwaren und dat mach Conraid vurantworden teghen Dyderiche mit den selven worden und saken, dar hey sich hir vurmaels mede vurantwordet hevet, ia mit sodaynen worden dey dem raide an de ere nicht engavn und mit dem vurantworden sal Conraid nicht hebben gedain teghen dese scheidinge. Item, so segge wy den vurg. partyen as vur, hevet Conraid und Dyderich vurg. of gewunnen sey hir namaels er eyn mit dem anderen eynighe twiiste, der saken sal sich de rait vurg. nicht underwynden, ane wert dat Dyderich an spreke den rait as umme der schantwort willen, de Conraid vur dem daighe, dat dese breyf gegeven is, op ene gesproken und gescreven hevet unde eschede dem raide, dat se sey ene dar ynne vurantworden, so maich de rait spreken, dat Dyderich des unschuldich sii und mit den vurantworden sal de rait nicht hehben gedain teghen dese schedinge. Item so segge wy den vurg. partyen as vur, der sake dey Henrich Muddepenning, Conraid Schonweder und Johan van Ergeste er eyn mit dem andern tho doyne hevet, of hir na tho doyne hebhen sal, der sal sich de rait vurg. nicht underwynden, an er eyn mach degedingen mit den anderen tho rechte. Item so segge wy den vurg. partyen as vur, de veyde van hern Rudele of van ymande, de umme Conraids wille den van Dorpmunde untseghet hedden und eren helperen, dey sal gesoynt siin und deden sey nu vortayn den van Dorpmunde eynghen schaden, des sal sey Conraid untwaren und wesen dar mede quiit aller ansprake der van Dorpmunde, alse van der veyde weghen vurg. Item so segge wy den vurg. partygen as vur, allet, dat in desem hreyve gescreven steyt, dat sulen dey rait und Conraid vurg. er eyn dem andern getruweliken vulteyn und halden und alle argelist sal in desen vurscr. saken und in eme iuweliken punte bisunder lutterliken uyt gescheiden siin und hir mede sal al dat tuschen dem raide van Dorpmunde und Conrade Schonwedere op gestayn was vur dem daghe, dat diesse breyf gegeven is, siin gensliken gescheiden und gesoynt. In oirkunde und in getuychnisse deser dink, so hebbe wy mit unsern ingesegele deser breyve uythangende ytliker partyge eynen beseghelt gegeven. Datum in Bodenbern ipso die sacramenti anno domini 1366.

Siehe auch

• Portal:Urkunden