Quelltext der Seite Urkunde 1414 August 21

[[Datei:Siegel der Stadt Hamm - 14 Jahrhundert.jpg|thumb|right|Siegel der Stadt Hamm]]

Am [[21. August]] [[1414]] reicht die Stadt Hamm einem aus clevisch-märkischen Räten und den Bürgermeistern und Räten der Städte Unna, Iserlohn, Kamen, Lünen und Schwerte bestehenden Schiedsgericht eine Verteidigungsschrift ein, in der eine Reihe von Anklagepunkten, die Graf Adolf IV. von Kleve und Mark gegen sie erhoben hat, beantwortet und widerlegt werden. 

== Ausfertigung ==

Das Original des Briefes befand sich im Stadtarchiv Hamm und wurde während des 2. Weltkriegs bei einem Luftangriff der alliierten Truppen zerstört.

== Urkundentext ==

Die Urkunde hat folgenden Wortlaut: <ref>zitiert nach [[Literatur|Overmann 1902]] S. 14-19</ref>
<blockquote>
Oppe ansprake des hogeborenen unses lieven genedigen heren greven Adolffs van Cleve und van der Marke, de syne genade an uns burgermeistere, rait und gemeinen burgere des stades tom Hamm doit, as wii rechtes sint gebleven by sessen syner genaden raite, de dar to gekorn sint, und by den burgermeisteren und raden dijser stede Unna, Loen, Camen, Lun und Zweirte in der wyse, dat wij beheltlich solen blyven unser guden olden gewonde rechtes und vryheit, so hebbe wii burgermeistere, rait und gemeinen burgere vurscreven unse wederantworde unses rechten dar op gezat in der wyse hir na gescreven:<br>
Int eirste: As uns unse gendige here anspreket, dat unss hebe underwunden synes wyntappen in syner stad tom Hamme, dar op spreke wij vor unse wederantworde unses rechten, dat uns vorbreivet und besegelt is van synen vorvaren, dat wii solen hebbende wesen to besittene eyn vry wighbelde unde solen rechte hebben dijser stede Soist und Lyppe, it en were dat wii uns eyn better of eyn nutter denken ofte vinden kunden. So is uns witlich, dat wii uns jeniges wyntappen hebn underwunden off underwinden, de unses genedigen heren vurscreven sii, und de wyntappe und de syse, de van dem wyntappen tom Hamme komet und vorvollet, is unse, und wij hebt den in rechter heeender und nutliker were und in guder alden gewonde gehat jare und jare und mer jare dan wii in dem rechten dar to behovet, sunder bisprake jeniges rechten, dar uns al syne olderen und vorvaren bi gelaten hebt, und ok syne genade uns gegeven, verbreyvet und besegelt hevet, dat he uns gerne wille halden al de breive, de uns synbe alderen und vorvaren gegevet hebt. Also wille wij den wyntappen und sysen vorscreven vorstan und vorhalden, wu wij van rechte solen, und were hir enboven syner genade jenich brakean uns van wegen des wyntappen und sysen vurscreven, so en ghere wij nicht dan rechtes uns an to sprekene und to schuldigene vor sinen gerichte binnen der stad tom Hamme, so as wii dar mede gevryet und vorbreyvet sint van unssme genedigen heren vurscreven, van sinen olderen und van synen vorvaren, dat wij anders nirgen in syner genaden lande to rechte en druven antworden, und wynt uns de vryheit und de rechte, so gegeven, vorbreivet und besegelt sind as vor geroit is. So hope wij durch recht, dat uns unse genedige here vorscreven de unse breive schuldich sy to haldene.<br>
Vortmer: As uns unse genedige here vurscreven anspreket, dat wii uns underwynden syner vorworde syns geleides syner herlichkeit, dar op spreke wij vor unse wederantworde unses rechten, dat uns unwitlich is, dat wij uns jenige syner genaden vorworde syns geleydes siner herlichkeit hebn underwunden of underwinden, de uns nicht engeborde. Were eme dar van gebrek an uns, dat dan unse genedige here vurscreven uns dar umme do schuldigen und anspreken vor syner genaden gerichte bynnen der stad tom Hamme, dar wille wij recht gheven und nemen, so as uns syne genade und syne olderen und vorvaren dat gegeven, vorbreivet und besegelt hebt, dat men uns aldar anspreken und schuldigen sal und anders oppe neynen steden bynnen synen lande. Und wij hopet durch recht, dat uns unse genedige here vorscreven de unse breyve schuldich sy to haldene.<br>
Vortmer: As uns anspreket unse genedige here vurscreven, dat wij sesse hebn gezatet myn of mer ute der meynheit, de van syner herlichkeit wegene und van syner wegen sine rente ind gukde syner stad dar boren, de synt rait dar boren solde, dar op spreke wij tor antworde unses rechten: So as zate is des zittenden rades tom Hamme, so hebt de zittende rait tom Hamme myt wetene, eyndracht und vulbart des olden rates to der tyd und der gemeinheit umme orber der stades vorgenompt gezatet veir personen to borene und to vorwarene der stade rente und gukde vurscreven, so dat de veir personen rekenschap alle jar pleget to doyne deme sittenden rade, und de rait doit vort rekenschap der gemeinheit. Und uns is unkundich, dat se of wii jenige rente ofte gulde boren ofte gebort hebn, de unses genedigen heren vurscreven sy. Were siner genade an jemande van uns gebrek dar an, den mach sine genade doin schuldigen und anspreken vor sinen gericht bynnen der stad tom Hamme, aldar recht to ghevene und to neme als uns verbreivet und vorsegelt is van unssme genedigen heren vorgenompt, van sinen olderen und vorvaren, und hopet durch recht, dat uns unse genedige here vorscreven de unse breive schuldich sy to haldene.<br>
Vort: As unss unse genedige here anspreket, dat wij eyne maget, de neyn burgersche tom Hamme en were, geweldichliken ut der hachten genomen hebben, dar op spreke wij vor unse antworde unses rechten, dat de maget was gezat in der stades hachten tom Hamme, also dat gedegedinget wart, dat der maget wart dach gegeven veirten nacht, und men nam geloven van er, ofte se jemant bynnen den veirten nachten mit rechte anspreken wolde, dat se deme in dem gerichte bynnen der stad tom Hamme solde antworten; und en wurde se van neymande myt dem vurscrevenen gerichte angesproken, so solde se dar van quijt wesen. Also wardede se des de tyd alinch ut, und wol veirten nacht dar na, dat se van neymande in dem vurgenompten gerichte angesproken en wart myt rechte. Und were unssme genedigen heren an uns dar van jenich gebrek, dat he uns dan do anspreken vor sinen gerichte bynne dem Hamme, dar wille wij recht gheven und nemen, so vele as dat recht dar utwyset, so as uns vorbreyvet und besegelt is van unssme genedigen heren vurscreven, van synen olderen und van sinen vorvaren, und wynt uns dat also verbreivet is, dat wii in syner genaden lande anders nirgen antworden en druven to rechte, so hope wij durch recht, dat unss de unse breive unse egenante genedige here schuldich to haldene sy.<br>
Vortmer: As unse vorgenompte genedige here uns anspreket, dat wij sinem richter, de syn knecht was, dat syne mit gewalt ute syme hus genomen hebben, dar op spreke wij vor unse antworde unses rechten, dat wij Luberte Mostert, dey unses genedigen heren richter tom Hamme was, und uns medeburgere, hadden doin beiden mit eynen vronen drie als recht is vor dat gerichte op unse raithuys; deme rechten en was he nicht horsam, und de selve Mostert hevet desop unsen raithus vor unsen burgermeisteren und raide tom Hamme bekant, dat he nicht horsam en sij deme rechten vorscreven; und dar umme so hade wij eme syne have afgepant, und de have wart eme weder geborget bit an dat recht. Und ok so hevet de vurgenompte Mostert up dem vurgenompten raithuys gesacht und beaknt, dat wij eme dat syne mit gewalt nit genomen en hebn, und he en hebbe des ok neymande geclaget. Und duchte unssme genedigen heren vurscreven, dat syner genade dar to kort an geschein were, dat he und dan do anspreken vor sinen gerichte binnen der stat tom Hamme, dar wille wij recht gheven und nemen, so as uns de  genade gegeven und vorbreyvet is van unssme genedigen heren vurscreven van sinen olderen und van sinen vorvaren; und hopen durch recht, dat unss unse genedige here verscreven de unse breive schuldich sij to haldene. <br>
Vortmer: As uns ansprekt unse genedige here vursreven, dat en deels burger tom Hamme em nemen und sich underwinden Lubert Mosterdes huys, so dat van siner wegen in gerichte sij, dar op spreke wij vor unse antworde unses rechten, dat wij hebt gesporken Luberte Mosterde, de hevet uns gesacht, dat he van wegen unses genedigen heren nu en sij angesproken myt dem gerichte tom Hamme van des huses wegen, als dar recht sij. Und Ger Brunynchus, de sich oppe dusse tijd des huses underwindet, hevet uns ok gesacht, he hebbe dat hus gekoft van Luberte Mosterde und dat sij sijn, und he hebbe dat beseten jar und dach sunder rechte bisprake: und he en wte ok van neyner ansprake, de an da vursrevene huys gescheyn sij van unses genedigen heren wegen mit dem vurgenompten gerichte. Ok as men uns anspreket, dat en dels burgers tom Hamme unssme  genedigen heren nemen und sich underwinden Didrix gudes van Rensinch, as em dat van siner herlichkeit erschenen sij, so en wete wij op dusse tijd meyningen burger tom Hamme, de sich gudes underwinde, dat Diderix van Rensinch were, do he vorvluchtich wart dem rechten, dar he mede angesporken wart van unses genedigen heren wegen, und ok so hebbe wij dar umme gespoken Luberte van Rensinch, sinen sone, de heft uns geantwordet, syn vader hedde eme gud gegeven to affdeile do he syn wyf neme tir ee, er den tijden, dat syn vader angesproken wurde mit rechte van wegen unses genedigen heren vorgenompt. Und zeder den tijden, dat men de ansprake dede, en hebbe he sich neyns gudes unterwunden, dat sijns vaders were; und dusse  vorgenompten Gerd Brunynchuys und Lubert van Rensinch, unse medeburgere, hebt uns gesacht, sij jemande gebrek in dussen vurscrevenen zaken, dat men se anspreke myt rechte vor dem gerichte bynnen der stad tom Hamme , dar willen se antworden und gheven und nemen dar recht, und dar sole wij erer ok mechtlich to wesen, as se uns hebt geseget. Und wynt wij und unse burgere, dar des gebrek ane were, recht gheven und nemen wilt in dem vurgenompten gerichte und uns dat vorbreyvetis van unssme genedigen heren vurgenompt, van sinen olderen und van sinen vorvaren, dat wij anders nirgen binnen sinen lande to rechte antworden en droven, so hope wij durch recht, dat uns unse genedige here vurscreven de unse breyve schuldich sij to haldene. <br>
Vortmer: As uns unse genedige here anspreket, dat wij in der lesten veden, do unse genedige vurscreven vyant was unses genedigen heran van Munster, do Bernd Ovelacker syner genaden reitmester dar was, em dat syne, dat van vyanden irworven was, tom Hamme in syner stad myt gewalt nemen, dar op spreke wij vor unse antworde unses rechten, dat wij uns under eynander dar umb hebt besproken, so dat wij Bernde Ovelackere to der tijd, do he reitmester was unses genedigen heren, nicht genomen en hebt in der lesten Munsterschen vede dat unses genedige heren vurgenompt were, und en wolde uns unse genedige here vurscreven der zake nicht rede vorlaten, so en ghere wij nicht dan rechtes, uns antosprekene und schuldigene vor synen gericht bynnen der stat tom Hamme, so als wij dar mede gevryet und vorbreivet sint van unssme vorgenompten genedigen heren, van sinen alderen und van synen vovaren, dat wij anders oppe neynen steden binnen seynen lande to rechte antworden en droven; und aldar wille wij recht gheven und nemen, und hopen durch recht, dat uns unse genedige here vurgenompt de unse breive schuildich sij to haldene. <br>
Und oppe dusse vurscrevene unse scrifft und wederantworde unses rechten bidde wij burgermeistere und rait und burger gemeinliken der stades tom Hamme, uch sessen, de dar to gekorn und gezatet sint ute rade des hogebornen unses lieven genedigen heren des greven van Cleve und van der Marke vurscreven und uch burgermeistere und raide dijser stede Unna; Loen, Camen, Lunen und Zweirte to sprekende und to wysende eyn recht recht, so as y dat an uch genomen hebt, dat wij solen beheltlich blyven unser guder olden gewonde rechtes und vryheit, und gheven uns dat recht weder bescreven und besegelt, as wij ju unse scrifft und wederantworde under unser stades secrete hir beneden angedrucht overantwordet.<br>
Gegeven in den jarn unses Heren dusent veyrhundert und veyrteyn jar, des nesten dinchedages na unser Vrowen daghe assumptionis.
</blockquote>

== Personen in dieser Urkunde ==

* Lubert Mostert war [[landesherrliche Richter|landesherrlicher Richter]] in [[Hamm]], belegt für die Jahre [[1412]] und [[1413]].
* Die Familie Mostert war schon lange in Hamm ansässig, sie stellte zeitweilig den [[Bürgermeister]] in Hamm, nämlich Themo Mostert, Mitte des 14. Jahrhundets..
* Gerd Brunynchus ist wohl einer der ersten Vertreter des Namens in Hamm. Aus der Familie gehen Ende des 15. Jahrhundert und Anfang des 16. Jahrhunderts einige Bürgermeister von Hamm hervor.
* Lubert van Rensinch könnte identisch sein mit dem Mann gleichen Namens, der [[1430]] [[Bürgermeister]] in Hamm ist.

== Anmerkungen ==

<references/>

== Siehe auch ==

* [[Portal:Urkunden]]

[[Kategorie:Urkunden]]
[[Kategorie:Urkunden Hamm vernichtet]]
[[Kategorie:Urkunden 15. Jahrhundert]]